رحلتي الى جنوب افريقيا – SABISABI (الجزء الثاني) (صور ) KRUGER PARK

Posted: 2 فبراير 2010 in الحياة حلوة, الرحلات والسفر

 

نكمل اليوم مسيرة رحلتي الى جنوب اقريقيا في الجزء الثاني حيث قمت بزيارة محمية وغابة كروجر والتي تقع في شمال غرب جنوب افريقيا ومن اشهر وافضل المحميات على مستوى اوروبا

وذلك لم تتمتع به من خضار وتنوع حيواني جميل ورائع، المهم قمنا بدانا رحلتنا من مدينة سن سيتي الرائعه في رحلة استغرقت ثمان سااعات !!!! نعم ثمانية ساعات متواصله كانت صدمه بالنسبة لي لاني كنت اتوقع انها لن تزيد عن الثلاث ساعات، مفاجاتي كانت فالمناظر الجميله جدا لجنوب افريقيا ونظافة شوارعها صدقوني ان الخضار والجمال الذي رايته ذكرني بسويسرا والنمسا، سبحان الله شوفو ربنا كيف رزقهم

المهم وصلنا للغابة على المغرب وكان المفروض اني اكون واصل من الصبح وابتدي رحلتي لكن للاسف وصلت متاخر جدا، قلتلهم لازم اطلع واشوف الغابة مابضيع يومي وفلوسي عالغابه عبط !!! ترى كل شي بحسابه هناك ومدفوع مسبق

قالولي اوكي مثل ماتحب بس ترى في المسا الحيوانات تطلع تصيد وانت عندك اطفال يعني فيها خطورة ، هل تتحمل المسئولية ، قلتلهم نعم اتحمل !!!!!!!؟

المهم طلعنا في الجيب وطبعا الجيب فاتح تماما !! واول ما طلعنا من باب الفندق شو شفت بويهي !!!!! الضباع يالسه تدخل للفندق !!!!!!!!؟ المفاجاه يا اصدقائي ان هل فندق او الشاليه مفتوح عالغابة ومب مغلق !! يعني عادي الاسود والضباع والفهود يدخلون داخل ويتمشون مثل ماراح تقرون تحت واتشوفون شو حصل وياي !!! فالاعلى صورة لاحد الضباع وهم يدخلون الشاليه !! تصورو شو كان شعوري وشعور الي معاي انهم يشوفون الضباع تدخل الفندق لا ويتريونا عند الباب بعد !!

خلال هذه الزيارة وقف المرشد السياحي حامل البندقية وارانا على الارض شيئ غريب يمشي الي هو هذا في الصورة !!!؟ حد يعرف شنو هذا !!! هذا اكبر انواع الحلزون حجما في العالم !!فعلا حجمه كبير حسيت شكله نفس البندق لول

عيونه تشبه القبوقوووب هل يمكن يكون يشبه الاخت القبقووبه وحيده بليااهم لوووووووول

اسم الشاليه SABI SABI ويعتبر الشاليه والفندق سفاري رقم واحد في افريفيا كلها وفائز سنة 2008 بجائزه افضل فندق سفاري في افريقيا والوحيد الي فيه خصوصية وشاليهات منفصلة والمميز فيه انه الشاليه الوحيد الي فيه اكل حلال في جنوب افريقيا !!! حتى ان كل انواع اللحوم الي يابوها كانت حلال بس عشانا ،هذا منظر الشاليه من برع ، جناح كاامل وكل شاليه منفصل عن الاخر، انا كنت في شااليه واليهال واخواني في شاليه ثاني ،بس تعرفون وين المشكلة في هل شاليهات !!! ممنوع تطلع وتمشي بعد الساعه 8 بليل !!!! لان الحيوانات تكون متواجده وتمشي !!!! انا حسبتهم يقصون علي فالبداية بس عقب ما شفت الي شفته !!!! قلبي توقف ! بس عقب بقولكم شو الي صار وياي

هاي صورة الصاله وفيها سرير اضافي والباب جدامكم يفتح عالغابة

صورة لغرفة النوم وفي اجزاء ثانية من الغرفة ماصورتها لانها تبهذلت من الاغراض لول

المغاسل في الحمام

البانيو في الحمام !! بانيو افريقي عادي يطلعلنل فيه عنكبوت لول

منظر اخر للحمام وشوفو مساحته

هذا مكان الشاور والسباحه من الداخل وعلى برع بعد في رشاش اذا حد يبس يتسبح في الهواء الطلق !!!!؟ بس يتحمل اذا طلعله فهد

الي صار يا اصدقائي كالتالي، قبل لانسير النوم تمو الجماعه هناك يحذروني خمسين تحذير عن المكان وان مانطلع من الغرف شو ماكانت الظروف ومانفتح الابواب !!! طبعا لان الحيوانت تكون متواجده

المهم انا عبالي بس يضحكون علينا !!!! قبل لا ارقد بشوي اسمع صوت طقطقة عالباب!!!!! وهز للباب !! استغربت !! سرت اشوف من فتحة الباب شو تتوقعون شفت !!!!!! ضباع واقفه عند الباب وتبي تدش !!! تصورو شو صار بقلبي

سرت ركضت ادق عاليهال اتطمن اشوف البشكارة متروعه وخايفه وتقولي بابا كلو في حيوان برع !!!! ههههههههههه

المهم تميت طول اليل مب راقد وكل شوي اشوف الابواب اذا تبطلت ولا لا !!؟ لووووول 

ثاني يوم طلعنا من الفجر واول شي شفناه في رحلتنا هو هذه الزرافة لول

هذه الجواميس بعدد هائل يقدر بالمئات حيث عندما تتواجد لازم يكون في اسود !!

اخوي الصغير يلعب مع ام اربع واربعين ! شعور بالدغدغه لول

طبعا خلال الرحلة في فترة استراحة ويكون فيها سناكس وعصاير وطبعا عيونا تلف لف عن يطلعلنا حيوان مفترس مني ولا مناك ! لول

هذا فهد كان توه صايد غزال وماكلنه وحاس بالتخمه فيالس يريح خلال فترة الظهيرة لول ولو سمع صوت منا عادي يهجم علينا لانه يخاف ان نريد وجبته ! لول

الافطار بعد الرحلة الصباحية لول

ترة الظهيرة تكون في رحلة فالغابه مشي على الاقدام !!!! وطبعا الله لا يراويكم الخوف الي كنت فيه بس اوني شحاع لان مانعرف من وين ممكن يطلعلنا حيوان، وهذه حفرة عنكبوت ضخم جدا حاولنا نطلعه برع بس ماقدرنا لول

هذا الاياليا الذكر كان منهم سرب يالسين يعبرون الطريق

هذا فيل طالعه منه ريحه معفنه والسبب ان الفيل يوم يكون معصب تفوح منه رائحه نتنه لول

هذه العصلئر خلال الطلعه في العصر

منظر الغروب ونن رادين الشاليه

هذا احد انواع السحالي في الغابه لونها جمييل جدا

الغزلان وهي تركض في اسراب وتعتبر الوجبة المفضله للفهود

وحيد القرن تحس جلده وكانه درع واقي

هذه اللوحه في مدخل الشاليه

شفت مايقارب 14 اسد مريحين بعد هجوم شرس على الجواميس

هذه طائرة العودة الى مطار جوهانسبرج من الغابه

هذه الطيارة حرمه ولكنها اقرب للرجال والغريب ا ايدها كبر ايدي مرتين؟؟؟ لول

 

 اتمنى ان الصور اتكون عجبتكم واعتذر ان الصور بعيده لاني نسيت اخذ عدسة التقريب معاي

تحيتي

Advertisements
تعليقات
  1. عيل بتزعل القبقوبه لو درت ..لووول ..!!

    رحلة حلووة

    احنا عندنا الكل يحب الحيوانات ( عزك الله ) إلا أنا ما أحبهم إلأا الخيوول ..
    و اكره الضبااع << الله يخلي رسوم ماوكلي كرهنا في الضبااع
    رحلة سفاري عجييبة ..

    مشكوور اخوي ع التقرير 🙂

  2. بوراشد كتب:

    ماشالله عليك سالم

    ماغلطنا يوم سميناك ابن بطوطه

    زين يوم حطيت اسم مدونتك على الصور

    بس عندي سؤال لك سالم ،،،، ليش ماتحط كل صور سفراتك؟ يعني الي اعرفه انك مسافر اكثر من مكان خلال الست شهور الي طافو ليش بس حطيت جنوب افريقيا
    واقتراح لو تحط مواضيعك في منتدى العرب المسافرون بتفيد ناس كثير بخبرتك في السفر والفنادق
    حتى على مستوى الدولة ماشالله ما خليت فندق ماسرتله اكتب عنهم عسب نستفيد انا شخصيا اعتبرك افضل مدون اماراتي في عرض صور الرحلات والسفر وهذا شي مميز لك ولمدونتك وكثير من المدونين بدؤو يحذون حذوك في عرض سفراتهم بعد ما بديت هل مجال بس طبعا مافي مثلك ومن دون منازع مع احترامي للجميع

    ننتظر صور سفراتك القادمه والصور وايد حلوة وتجربة حلوة

    احييك يا سالم على تواضعك الدائم وشخصيتك المرحة ليت لو كل الناس مثلك

    موفق يا سالم وخلنا نشوفك

    اخوك بو راشد

  3. المخلصه كتب:

    أحم أحم

    الصرااااااااااااااااااحه ونااااانسه ما شاء الله عليك كل شي مصورنه هع

    أنا أحب أصور شراتك طالعه عليك لووووووووووول

    وأكيد كانت رحلة حلووه ما يبالها كلااام الصور تشهد .. وحلو شعور الدغدغه ..

    يعطيك العافيه أخووي وبنتظـــاار رحلاتك البااقي .. والله يوفقك

  4. سالم الامــارات كتب:

    سمو الاميرة

    هيه والله انا روحي متروع شو بتسوي وحيده لوووول

    شو سالفتكم ويا الحيوانات !!!! اتوقع بيوتكم كلها دياي وبط وارانب لوووول

    تسلميين اميرة ع مرورج وماقصرتي
    ابي اعرف شي واحد !! شو سوالفكم في الجرووب لول

  5. سالم الامــارات كتب:

    بوراشد

    مشكوووور بو راشد ماتوقعت اترد بهل سرعه عالموضوع
    انا حطيت الاسم بنصيحة من احد الاخوات عسب محد ياخذ الصور وينسبها لنفسه

    منتدى العرب المسافرون انا بنفسي مستفيد منه بس ان يالله يالله احط الصور هني والمواضيع مافيني احط في مكانين لوووول

    ع طاري ليش ما حط صور كل سفراتي وزياراتي للفنادق فالبلاد لاني ماريد حد يعتقد اني احطه من داعي الكبرة او الفخفخة او شيء من هذا القبيل انت عارف هالشي صديقي بس احط الاشياء حسب الموود لول

    الجمعه نحن في دبي في شارلستون حياك بعرفك ع شباب من دبي والشارحه طيبين شروااك

    ربي يحفظك ويخليلك راشد واخوانه

  6. سالم الامــارات كتب:

    المخلصه

    اوه ماكنت اعرف انج مصورة شو رايج نفتح ستوديو لووووول

    الرحلة حلوة بس الي بسير يحط احتياطاته ويخلي وياه شخص من الامن نفس ما سويت

    تسلميلي يا مخلصه ويالله شدي حيلج وفتحيلج مدونة بعد لول

    تحيتي

  7. ما شاء الله zoo طبيعي 🙂
    الفندق ما كان آمن إطلاقاً ، فكيف رضيتوا البقاء فيه ، يفترض الأمان يكون شيء أساسي في مثل هذه الطلعات !!
    آخر كلمة ف السطر الثاني أعتقد لازم تكون أفريقيا بدال أوروبا ~
    بالتوفيق وننتظر رحلة جميلة وممتعة آخرى من رحلاتك ^^

  8. الحين أنــا قبقــوبة يــا ضفدع ..

    بعدين ها اخووك الصغير ما عرف الا يلعب ويا ام اربع واربيعين واااع …

    حتى اللي ماسك السحلية اخ اخ واااع ..

    ويسلموو ع الصــور .. ^_*..

    بعدين تعاال شفت تنقيعة بس لاني طيبة ما بقوول انك قلت شحااع بدل شجاع

  9. اقصوصه كتب:

    loooooool

    اسميني مت من الضحك

    وانا اتخيلك وانته ايف

    وتطالع يمين وشمال

    وعلى اعصابك لو طلعت حيوان مفترس فجأه

    صراحه موقف لا تحسد عليه ههههههه

    والا قتلي حرمه وايدها اكبر من ايدك

    هين ما عليه

    الا قول ان انته اللي ايدك صغيره

    لوووووووووووول

  10. اقصوصه كتب:

    وحيده بلياهم

    زين سويتي فيه

    ما قصرتي

    والا يقول عنج قبقوبه؟

    اصلا هو لايق عليه لقب ضفدع

    لانه شكله متين وقصير

    لووووووووووووووول

  11. سالم الامــارات كتب:

    الفراشة الطموحه

    اتفق وياج الامن شي مهم بس اصلا هذا كان المقصد !! مغااااامرة !!!! ادري بتقولون مكان مب امن كيف مغامرة ، لكني خذت كل الاحتياطات من كل النواحي وربي سهلها لوووول

    شكرا عالتصحيح ان شالله بعدلها ،،،بس سؤال؟ الاخت مدرسة لغة عربية لول

    تحيتي فراشتنا وخليج على تواجد دائم

  12. سالم الامــارات كتب:

    وحيده بلياهم

    لووووووووووووووووول لالالالا لاتحاولين انا لقبي الرسمي والمعتمد هو الي سمتني اياه الاخت نهار ،،،حنظلة لووول
    وانا مب متنازل عن هل لقب نهااائيا ابديا ازليا ع قولة سمو الاميرة

    مب انتي تحبين الحيوانات !!!! كاه يبنالج صور حيوانات لول واخوي والريال ماسكين ام اربع واربعين وسحليه مايمسكوون فييرااان لوووووووووول

    صراحه ماشالله عليج انا في حياتي ماشفت وحده بمثل طيبتج ،،، الشر والاشرار نهائيا مايقربون صوبج ،،،حتى شرشبييل اشك اذا كان يقربلج لوووووول

    حياج الله وحيده ولاتزعلين منا ترى والله سوالف بس في وحده اسمها اقصوصه هاي يبالي اتفاهم وياها فبعد اذنج لو سمحتي لول

    تحيتي

  13. سالم الامــارات كتب:

    اقصوصه

    خير ان شالله !!! عندج مشكله !! اشوووفج مستاانسه على قرضي !!!! لووووول
    بعدين انا يدي مب صغيره هي الي يدها طاابوقه لوووووووووووووووووووووووووول

    يعني هذا انا ماخليت صورة ولا زاوية ماحطيتها قالمدونة اخرتها تقولين اني قصير ومتين لووووووووووووول انتي متاكده ان نظرج 6/6 ولا ناسية تلبسين النظارات لوووووول انا صراحه مابتكلم بخلي المايكروفون لاصدقائي فيصل او بوراشد لوووول

    تبين الصج فعلا احساس غير انج تعيشين سفاري بس برعب ،،، المميز في سفاري جنوب افريقيا عن كينيا مثلا هو ان حتى لو هجم عليج الحيوان صعب انج تشردين بسبب كثافة الاشجار عكس كينيا الي تعتبر عبارة عن مساحات شاسعه سهلة الحركه

    حيااااااااااااااج يا قصقوووصه وهل مرة راح اسامحكم انتي ووحيده بلياهم ومابقرضكم لاني طيب لووووووول بس نكست تايم يا ويلكم لول

    سي يا

  14. ×_×

    عاد ما حصلت تروح الا جنوب افريقيا … ذكرتني بأخوي اللي كان يبا يشارك في برنامج عيش سفاري
    و حصل كم ضربه من أبوي بالخيزرااان لين تأدب و ما ياب هالطاري

    الطبيعه وايد روعه ما شاء الله بس يابوك ما يسوى عليك تسير و تعرض نفسك للخطر -_-

    باين انها كانت رحله ممتعه بس مخيفه في نفس الوقت

    =)

  15. سالم الامــارات كتب:

    مجرد نقطة

    المثل الاجنبي يقول
    no risk no gain

    بخبرج بسالفة
    يوم تخرجت من الثانوية ياني جاري كان وكيل مدرسة قالي سالم انا احسدك !! قتله ليش؟
    قالي لانك بتتخرج من الثانوية الحين وعندك وايد ذكريات ومغامرات في المشاغبة (طبعا لاني كنت مشاغبمن الدرجة الاولى) بس انا مالي ذكريات لاني كنت هادي لول
    نفس الشي في مراحل عمري حلو ان اخوض تجارب وذكريات تكون غير لاني اعش كل مرحلة من مراحل عمري وهل ذكريات تظل فالبال
    فطبيعي بعيش تجارب ومغامرات وبخلي كل الي وياي يعيشونها طالا اني ماخذ احتياطاتي
    هذا رابط للتدوينة ذكريات الدراسة اذا حبيتي تقرينه

    https://salemuae.wordpress.com/2008/10/08/%d8%b0%d9%83%d8%b1%d9%8a%d8%a7%d8%aa-%d9%85%d9%86-%d8%a7%d9%8a%d8%a7%d9%85-%d8%a7%d9%84%d9%85%d8%af%d8%b1%d8%b3%d8%a9/

    سالفة ضرب اخوج عسب البرنامج طبيعي ينضرب لول يعني يسير هناتك ونشوفه يحضن البنات ويصيح وحالته لله لوووول

    تسلميلي اختي ع مرورج وربي يوفقج

  16. المخلصه كتب:

    هههههه أخووي سالم مشروع حلو تراه ااستديو تعرف انه قبلك أهلى قالوا لى لازم تفتحين أنتي هع

    ما عليك باخذ وياي رجل آمان لوووووووول

    مدونة!! جاري لتفكير

    سلااام

  17. سالم الامــارات كتب:

    المخلصه

    مبدئيا ترومين تحطين صورج في موقع zzofoloio
    واتبيعينهم !!!!!!!!!!!!!! اعرف ناس وايدين يبيعون صورهم
    فكري وجربي ^_____^

    تحيتي

  18. السلام عليكم..

    بصراحه بصراحه ياأخوي إنت مجازف نمبر ون , أنا تجننت لمّا شفت قرود الطايف من السيارة ولمّا وقف أخوي صرخت عليهم لمّا حركوا فمابالك أروح غابه 😯
    تصدق لازم تجي عندنا للمدينه لأن منتظرك مني هديه تصلح لك ولأخوك أللي ماسك أربع وأربعين..
    الهديه تراها حلوة مررررة وهي عبارة عن أخوي الصغير عمرة 12سنه يحب هالمغامرات أنا متأكدة لو شاف هالتدوينه بتتنمى مواهبه 180 درجه 😛
    كل يوم وهو جاي لنا بحيوان سبب لنا رعب أنا وخواتي تصدق لو الود ودة كان يحول البيت حظيرة حيوان..بس ولايهمك أبوي له بالمرصاد 😛
    ……..
    عموماً رحله حلوة وأنا أشوف الصور تذكرت “موكلي”..وبصراحه ماتوقعت تكون جنوب أفريقيا بهالجمال..سبحان الله!!
    ودي بصراحه أروح غابه وأجازف..بس لأني خوافه درجه أولى فراح تضل مجرد أمنيه خاليه من التنفيذ..
    على فكرة إنت صدمتني فيك ياأخوي لأني حسب ماأعرف إن أهل الخليج مشهورين بكرمهم..يعني يهون عليك الضبعه تدق بابك وتردها..يمكن بردانه وإلا جيعانه…حراااام عليك كان وريتها الكرم الخليجي على أصوله 😛

    بحفظ الله ورعايته’’

  19. خخ هي انته وايد تثرثر ..

    تدري كلما اشووف ام اربع واربعين اتقزز ..

    خخخ اذكر مرة يا ع ريوولي جاان ازاااعق …
    وااع الله يبعدهم عني ..

    اتصدق يالضفدع .. مرة ياابوا ولدك الصغير عندنه .. وحطينااه صووب الزرع وبعدها ما لقينااه ^__^

    كيف مستحمل عمرك ابا اعرف ..
    احن ما نستحمل الضفاادع هااااااااااااااااااااااااااااع ..

    جااري تثبييت اللقـــــــــب ..^_*

  20. ابو راشد كتب:

    مرحبا سالم

    سمحلي سالم بس حبيت اتدخل في شي مايعنيني

    ماتحس ن بعض الاخوات تمادو في المصخرة شوي ،،، انا ادري ان عندك طولة بال بس في نفس الوقت ما عيبتني بعض الردود

    انا متاكد ان محد يعرف عنك شي وعن شخصيتك ومقامك الاجتماعي ولا ماظني حد بيضحك ويتمادا معاك في هل شي

    بس من جانب اخر احس ان الاخوان هني يعزونكويحبونك كثير الظاهر من جي ماخذين راحتهم انا بس حبيت اعبر عن رايي يا سالم واتمنى انك ماتزعل من صديق طفولتك

    من ناحية اللقب اعتقد ان مقام سالم وهيبته اكبر من انه يكنى بهذه الالقاب وعلى طاري طولك ومتنك وضعفك ترى مثل ما قلت صورك موجوده وواضحه بالعكس من تدخل مكان العيون عليك

    الله يزيد من محبيك والسمووحه عالتطفل

    اخووك وصديك ابو راشد

  21. سالم الامــارات كتب:

    سارا

    سلام اختي سارا شخبارج ووين هل غيبه الطويله؟؟ حمدالله عالسلامه

    الله يحفظلج اخوج ويطول بعمره ماعليج خليه يكبر شوي وعقب بتشوفينه هو يوديج للمغامرات لوووووووووووووووووووول،،،،،، ترى حب الحيوانات نعناته ان الولد عنده رحمه بقلبه وفي نفس الوقت شجاع وقلبه جامد لاتخافون عليه لووووول

    الحياه مغامرة وانا اؤمن ان لااااااازم نسويلنا ذكريات حلوة في حيانا كثر ما نقدر ؟؟ لان ماتعرفين باجر شو ممكن يصير!

    هههههههههههههههههههه هييه ولا من صدقج ما كرمناهم
    شوفي نحن كنا اول عايله خليجيه تزوه هالشاليه حسب كلامهم ،،،فالظاهر ان الضباع شمو ريحة المندي تفوح مننا من كثر ما ناكله وريحة العيش البخاري فحسو ان طعمنا لذيذ لووووووووووووول قبل لا نوصل باسبوعين واحد من الموظفين نسى يسكر الباب دش عليه ضبع وخلاه وجبة عشاء !!! لوووووووووووووووووووووووووووول

    تسلمييييييييييييييييييييييييين يا سارة ع تواجدج ولاتكونين تقطعين عن النت وايد لول

    ربي يطول بعمرج

  22. سالم الامــارات كتب:

    وحيده بلياهم

    ههههه انا ثرثرهااه ،،،، تردينها علي هاه يوم قلت تسوون قرقر وايد في قروبكم لووووووووووووووووووووول

    ولدي فدييييييييييييييييته والله ،،، تدرين عورتي قلبي من صج لاني ماشوفه نهائيا الا فالويكند ومب دوم بسبب مشاغلي اليومية

    عالعموم يا مس قبقب ،،،، تراج والله ماتعرفين قرضي كيف فخليج فالسييف سايد لول

    لالالالالا جد انا حبيت حنظله من جد مابغيره

    تيك كير وحيده وتسلميين ع روح الدعابة الطيبة عندج

    ربي يحفظج

  23. سالم الامــارات كتب:

    ابو راشد

    افا عليك صديقي نحن ربع وقول الي بتقوله انا بالعكس احب الواحد يقول الي في قلبه سوء كان سلبي ام ايجابي مافي احلا من الصراحه

    شوف صديقي ،،،، انا اول مافتحت هالمدونة كان هدفي شيئين الاول ان مكان افرغ فيه الي في قلبي والثاني ان هل مدونة تكون لكل حد مب الا انا،،يعني احط فيه رايي والراي الغير حتى لو كان مخالف للي اشوفه

    شخصيتي ومكاني ووضعي وحياتي ماتهم الناس هني كثر مايهم فكري وطرحي وانا كبف اتعامل وياهم هني
    هل مكان الشخص الي فيه غير عن الي تشوفه جدامك لان هذا عالم وشخصيه انا سويتها بهل اسلوب

    انا فاهم قصدك ان محد من الي حوليني يسترجي يتمصخر وياي في حياتي الخاصه لعدة اسباب بس هني غير

    والاخوات والاخوان يوم يضحكون ويسولفون وياي انا استانس لانهم يطلعون الي في قلوبهم ،،، وارجع شوف ردودهم كلها من واقع معزه ومحبه ربي زرعها ماتعرف من وين ،،،وهذا شي انا احمد ربي عليه مب زعل وضيج
    صدقني بو راشد الناس الي هني انت ماتعرف معزتهم في قلبي ايش كثر فطبيعي ماراح ازعل من شيء صديقي

    ومشكوووووووووووووووووووووووووووووووووووور اقين ع تواجدك حبيبي والسفرة اليايه بنسير رباعه نفس سفرة زمان الي رحناها البحرين شو رايك لووووووووووووول

    تحيتي

  24. المحبرة كتب:

    مممممم
    والله يا اخ سالم شوقتني لزيارة أفريقيا
    أحب الرحلات اللي فيها شي من المغامرة
    طبعا عندي وسواس النظافة والترتيب وبصراحة شكل الشالية مقبول
    يعني لو ليوم واحد اشتهيت اروح
    بس أخاف أكون وجبة مفضلة للاسود لوووول ..
    ربي يحفظك و تتهني ..

  25. سالم الامــارات كتب:

    المحيرة

    ااذا قارنتي الشاليهات بغيرة منالشاليهات والفنادق صدقيني هذا احلى الموجود في افريقيا كلها

    ماشالله طلعتي من جماعة الوسواس !! عندنا واحد من ربعنا عنده وسواس النظافه بشكل رهيب ،،، المهم تحصلينا كل شوي نجي جدامه نعطس ااتشوووو لوووول ينقهر ويتعقد المسكين

    لا لازم تسيرين صدقيني كل دولة لهل ميزاتها ومزتهل الي تميزها

    تحيتي اختي المحيرة ومن جد تواجدج يسعدني

    ربي يحفظج

  26. حلوووووووووووة البنات كتب:

    السلالالالالالالالالالالالالالالالالالالالالالالالالالالام ما شالله المدونه من كثر الصور زايد وزنها ههههههههههه
    الصراحة المكان رائع ويجنن بس عني اخر مكان في الدنيا ممكن اسيرله وخاصه بعد ما شفت الصور تأكدت من النتيجه
    بس الي لفت انتباهي الحلزونه اعتقد لو حطينالها ملح وفلفل اسود وراس بصل وحبة طماط يم يم .

  27. سالم الامــارات كتب:

    لووووووووووووووووووووووووووول
    من وين طلعتيلي انتي بعد!!! انا وحيده بلياهم واقصوصه ويالله يالله اتكلم عاد انتي خلاص حلجي بيتسكر لول

    شفتي يا حلوة الهجوم الشرس الي اتعرضله لول يالله ابيج في فريقي شو رايج؟ لول

    سؤال انتي متغدية ولا لا !! شكلج ميته يووووووووووووووووووووووووووع من جي تتخيلينه بفلفل وطاممااط
    بس سؤال ليش تبينه براس بصل؟؟؟؟ شو الاخت من الباطنه ههههههههههههههههههههههه

    لاتغبين عنا وايد يا حلوة البطات لول

  28. تبي الصدق الحمدلله ما عندنا لا حيوانات ولا شياته ..

    مره أخوي الصغير قال اونه بيربي ( بط ) في بيتنا
    ما كلت أسبوع كامل
    إلا لما ظهر البط من البيت ..

    ما أطيق الحيوانات ..
    :d

  29. سالم الامــارات كتب:

    سمو الاميرة

    انا احب البط واحب الوز بس نفس الشي ماحب اربي فالبيت لول

    انا لو مكانج واخوي ياب بط ومابيه بسير وبذبحه وبطبخه عالغدا لول يربتي تاكلين بط !! لذيييذ لول

    تسلمين يا اميرتنا وصراحه انا ماعرف كيف انتي متحمله ربيعتج لووول بس حلو احس سوالفكم حلوة ،،،ممكن اتضيفوني للجروب واتم ساكت؟ لووول

  30. نهـــار كتب:

    السلام عليكم …
    ماشاء الله صراحه أخوي سالم …
    شجاعه أو خبال وحده من الثنتين
    مودي اليهال معاك مكان مفتوح كله حيوانات مفترسه …
    وعاد عيالنا أعرفهم من شافوا الضباع نطوا
    هذا إلي يطلع في الكرتون عادي يسيرون صوبه …
    ………
    طبعا الصور ماشاء الله مسكته …
    حبيت أن الشاليه أكله حلال لأنها وهقه الصراحه يوم تسافر
    ….
    يا اخوي شبلاك خايف
    وحليلهم الضباع يايين يسلمون ويسولفون
    عادي …
    وإحتمال يبون عقد لحديقة حيوان دبي أو العين ..

    طبعا عمري ما أفكر بالسفاري
    بس عيال إخوي يقولون لي
    ودينا عند المساي …
    ….
    الله يحفظك لأهلك ويحفظهم لك
    ……
    في أمان الله

  31. سالم الامــارات كتب:

    نهار

    لول زين ليش مايكونون الاثنين شجاعه وخبال

    بالنسبة للاكل الحلال لازم تطلبينه قبل لاتسيرين مناك لان للاسف ماتحصلين اكل حلال بسهوله وطبعا لازم تشوفين شهاده ان حلال

    هيه والله مادري كيف راحت علي هاي كانت ممكن اوقع عقد وياهم الضباع لول راحت علي ،،،،،

    ويخليج لاهلج ويحفظج يا نهار

    مشكووورة عطلتج البهية يا نهار ماقصرتي

    تيك كير

  32. سالم الامــارات كتب:

    فيني ضيييجه مو طبيعيه ماعرف ليش؟؟

  33. المحبرة كتب:

    مرحبا أخ سالم ..
    أولا لفت نظري كلمة فيك ضيقة ..!
    سلامات أخوي و ماتشوف شر .. توضى وصل ركعتين عسى الله يفرج عليك
    بالنسة للوسواس مو لهادرجة يعني ..
    بس أحب يكون كل شي منظم و نظيف يعني وسواس معتدل 🙂
    على فكرة أخوي ..
    كثر من قول ” لا إله إلا أنت سبحانك إني كنت من الظالمين ”
    وقول بعد 7 مرات بالصباح والمساء حسبي الله لا إله إلا هو عليه توكلت وهو رب العرش العظيم ..
    و الاستغفاااااااار ..
    عسى الله يحفظك ..

  34. سالم الامــارات كتب:

    المحيرة

    مشكوووورة اختي والله ماقصرتي بس يمكن من الضغط شوي

    ان شالله بنش اتوضى واصلي جزاج الله الف خير

  35. تسلمين يا اميرتنا وصراحه انا ماعرف كيف انتي متحمله ربيعتج

    جاان ازعــل خخخخخ

  36. سالم الامــارات كتب:

    وحيده بلياهم

    لوول
    اسوولف والله ترى انا بعد ماعرف كيف متحمل عمري لول

    يسلموووووو

  37. خخخخ طاع ها صدق

    لا لا ماعرف شي اسمه زعل خخخ

    بس زعلييت ^_^

  38. السلام عليكم..
    صباحك رضى من الله ورحمه..

    بالنسبه لي أنا مقتنعه 100% بأن الحياة مغامرة بس ياأخوي في فرق بين المغامرة والمخاطرة..!!
    يعني إنت لمّا تمشي بالغابه مع عيالك وإخوانك الصغار وبأي لحظه ممكن تتعرضون لهجوم-بعيد الشر عنكم-هذي مخاطرة بأرواحكم..!!
    ممكن أنا أستسهل الأمر لمّا كبار يروحون بروحهم لهالأماكن لأنهم ممكن يقدرون يواجهون المواقف بصعوبه إن كانوا مُسلحين..لكن الأطفال لاحول لهم ولا قوة..وحتى لو دفعت عنهم الضرر فصدقني ماراح ينسون الموقف وممكن يتعبون نفسياً..!!
    ………
    وجبة عشا>>>>ياساتر8O
    أنا مو عارفه كيف يتركون هالشاليهات مفتوحه على الغابه يعني من المفترض تكون مُحاطه بسياج يوفر الأمن للمتواجدين بالشاليهات من هجوم حيوان مفترس لهم..
    طبعاً نسيت أقولك الشاليه مرة يجنن وراااايق بصراحه هالتدوينه أعطتني صورة ثانيه عن جنوب أفريقيا..
    ……….
    اليوم جمعه اقرأ سورة الكهف وأكثر من الإستغفار والله يفك ضيقتك يارب’’

    بحفظ الله ورعايته’’

  39. سالم الامــارات كتب:

    وحيده بلياهم

    ^_______________^

  40. سالم الامــارات كتب:

    سارة

    مساااء النور اختي شخبارج

    ترة المخاطرة جزء من المغامرة مب بعيده عنها بس لو ماكانت محسوووبه تعتبر جنوون !! لول

    انا فلت من قبل ان كل تحركاتي كان وياي حارس 24 ساعه مسلح !!!!!!!!!!!!!!!
    في الغابة كان عندي الحارس الشخصي مالي و اثنين غير كلهم مسلحين يعني مافي خوف لول بمعنى اخر خذت كل احتياطاتي اللازمة لول والباقي على الله لول وهاي تجربة ماراح انساها لا انا ولا الي كانو وياي وهذا الهدف الي كنت ابيه
    ناس تيي من العالم كله عسب تعيش هل تجربة !!! سفرتي الياه بتكون رحلة صيد فجنوب افريقيا هذا المخطط الياي بس ويا ربعي هل مرة

    مشكوووووووووووووووووووورة سارة ع كلامج الطيب وهذا الهدف من عرض هل تدوينات ان الناس تاخذ فكرة عن الاماكن خارج نطاق بيئتنا زنشارك تجاربنا الاخرين

    تحيتي

  41. lil.D كتب:

    -____- OMG
    اتخيل جيه بكل ادب ضباع واقفه ع الباب، من الله شكلهن مو شي ويخوفن
    بعد نقول نمر شي عليه الإيييمه (القيمه) لكن ضباع -ـ- ما يتفاهمن ياكلن اي شي

    السحليه اللي تقول عنها هاي مب حرباء؟ وايد حبيت الحلزون -ـ- ولوع جبدي راعي الدوده

    احس حلو التصوير هناك – بس المكان يخوف -ـ- غيرت رايي عن جنوب افريقيا ولله الحمد
    مابا اسير خلاص لوووول يوم السالفه فيها ضيوف ع الباب -ـ-

  42. anaarwa كتب:

    أخر مره زرت فيها المدونة كانت رحلتك لاستراليا

    واليوم ..زيارتك لافريقيا ..رائعة وتحمس صراحه

  43. سالم الامــارات كتب:

    lil.D

    لووول هيه والله تخيلي الضباع ماسكين شوك وسكينه عالباب ويتريوون وجبتهم الدسممه تطلع يل سلاام شي حلو لول

    هيه والله صح كلامج !!! هاي حرباء !! جني كنت منقع لول !!! شكرا عالتصحيح اختي ليل
    الحلزون والله مسكته حلوة بعد وخصوصا عيونه يذكرني بحد موجود هني لوووووووووووووووووول
    شنو لوع بجبدج !!! هذا اخوي الصغييييييييييييييييييييييييييييييييييييييييييييييييير كله ولا هيثم حبيبي ،،،عيل لو شفتي صورتي ويا الثعبان شو بتقولين ؟؟ بس وجهي طالع ماروم احطة تدريبي حنظلة لول

    سالفة ضبورع عالباب ترى انتي الي تختارين في فنادق مسكرة هذا الوحييييييييييييد الي فاتح بهل طريقة لول

    تيك كير ليل

  44. سالم الامــارات كتب:

    anaarwa

    هلا اختي اروى نورتي بمرورج
    انا مريت ع مدونتج قبل فترة بس مافي شي يديد ولا شي مواضيع ؟؟ ليش؟؟؟

    شكله كل ماحط صور سفرة انتي بتزورين لازم اكثر منهم عسب اكون اشوفج عيل لوووووول

    تسلميلي ع مرورج اختي وماقصرتي وخلينا نشوفج دووم

    ربي يحفظج

  45. أميرة كتب:

    صور جميلة ..

    يا رب تكون رحلات موفقه دائمة .

  46. أميرة كتب:

    صور جميلة ..

    يا رب تكون رحلات موفقه دائما .

  47. lil.D كتب:

    هيه والله الصوره تلوع بالجبد ,,,, عاد انت ولا اخوك المهم انها دوده وعوده وكبيره
    كيف خليتوه يزخها اصلا -____- يمكن سامه ولا مادري شو لا سمح الله -___-

    الثعبان عادي,,, هب دوده -___- الثعبان يسونه شنط جميله لووووووول (شـر)

    ضحكني ع الضباع، تذكرت الاسد الملك (سيمبا) يوم الضباع تتجهز تاكل ههههه

    I enjoyed your post, hope that you are going to post more trips
    والسموحه من الاخ هيثم،، -_-

  48. الـهــادئــه... كتب:

    السلام عليكم ورحمة الله وبركاته…

    دائما تتحفنا بصور رحلاتك الجميله والكثيره,,,واضح انكم مررره استمتعتوا

    عساها سعاده دائمه يااااااارب….

    صديقي سالم اسمح لي اضع هذا المقطع في مدونتك,,,قراءة طفل تشرح الصدر وتزيل الهم والكدر…

  49. سالم الامــارات كتب:

    اميرة

    مشكورة اختي اميرة وماقصرتي ع مرورج الطيب

    تحيتي

  50. سالم الامــارات كتب:

    lil.D

    لا عادي نسمك وناكل اي شيء لووووول ديناصورات مب اوادم لول

    مشكووووووووووووورة اختي ليل وان شالله تعيبج كل تدويناتي

    تحيتي

  51. سالم الامــارات كتب:

    الهادئة

    الله يخليج ومشكوووووووورة عالفيديو الجميل

    ما قصرتي

    تحيتي