لماذا تسمى مدينة العين بدار الزين!؟

Posted: 9 مارس 2009 in الحياة حلوة

 

خلال الاسابوع الماضي، كنت متواجد طيلة أيام الاسبوع واجازة نهاية الاسبوع في مدينة العين.

في يوم الخميس حضرت مناسبة عقد قران لأحد الأصدقاء، وخلال جلوسي دار حديث بيني وبين شخص يمكنكم اعتبارة بمثابة خالي، وسالني سؤال تحدي ومن يستطيع الاجابة عليه سيعطيه مليون درهم !!! وانه يتحدى اي شخص يجيب عليه!

قلت له ماهو هذا السؤال؟

قال: لماذا تسمى مدينة العين ..بدار الزين!!!؟

قلت له بسبب خضارها،بسبب واحة العين، بسبب تاريخها القديم،بسبب اهلها الطيبين …الخ، لكن اجاباتي خاطئة!!

في النهاية وبعد الياس اخبرني الاجابة !!!! اخذت دقيقة افكر فيها …ثم نظرت له وقلت …صح كلامك !!؟

اريد ان اشارككم هذا السؤال …من يستطيع الاجابة عليه !!!؟ لول

تحيتي

Advertisements
تعليقات
  1. اقصوصه كتب:

    اممممممممم

    عاد انته غبت غبت

    ورجعتلنا بهالموضوع؟

    يقولون من طول الغيبات

    وانت بدل ما تييب الغنائم

    يبت العين دار الزين وياك؟

    امممممممممم

    بدايه

    انا ما احب العين

    ما احبها ولا حد يسالني ليش

    ادري انها وايد حلوه واحب اروح اقضي اجازاتي فيها

    بس مرات يوم يطرح موضوع السكن فيها على طاولة النقاش

    احس اني في كابوووووووووس

    احس ان اسوأ شي فالدنيا ان الواحد يسكن في العين!

    حتى راس الخيمه اهون

    خخخخخخخخخخخخخخخ

    مادري ما اعرف الاجابه

    يمكن كثرة الواحات؟

    او شي مثلا من هالقبيل؟

  2. روضه كتب:

    دامت دياركم عامرة بالافراح والمسرات

    العين حلوه ماشاءالله وكل شي فيها حلو خاصه شوارعها النظيفه وكمية الخضار اللي فيها وين ماتروح تشوف خضار .. وأكيد اللي يحليها أكثر إنها محبوبة ابونا الغالي رحمة الله عليه المغفور له الشيخ زايد آل نهيان وكلنا من حبنا لهالانسان أكيد نحب مدينة العين ..

    أعتقد اجابة السؤال هي إنها سميت بهذا الاسم الجميل بسبب وجود العديد من العيون المائيه كما يتوفر بها مخزون جوفي من المياه العذبه

    وفي انتظار جديدك تمنياتي لك بالتوفيق في كل خياراتك
    دمت بخير

  3. [..غروك وغيروك..] كتب:

    دامت دياركم عامره بالافراح يارب

    والعين سموها دار الزين على حسب معرفتي مثل ماقاالت روضه لأنها تكثر فيها العيون
    بس اتوقع في سبب ثاني

    يلا سالم شوقتنا نعرف نتريا الجواب

  4. مساؤك ورد,,, سبب التسميه قد تكون بسبب كثرة واحاتها وجمال طبيعتها,, اعذرني فأن لم ازر العين بعد وليس لدي اي معلومات عنها , وأجابتي مجرد تخمين فقط,,,دمت

  5. سالم الامــارات كتب:

    اقصوصه

    هلا اقصوصه شخبارج؟

    مب كانج قطعتيني شوي لووول

    يعني كانج تقولين تصوم تصوم تفطر على بصل !!!؟ لوووول

    انا عني احب العين بالتاكيد السبب الرئيسي نادي العين الجميل
    وبعدين ماننسا تحفة الامارات جبل حفيت
    وطييييييييييييبة اهلها وتمسكهم بعادات وسنة العرب الى الان بالرغم من التمدن

    اتفق وياج بالنسبة للبنت يمكن مو شي بس للشباب من احلى الاماكن صراحه لول احب لمات الشباب فيها وجوها الرائع
    بس انا هني ماتكلم عن طبيعة المدينة

    ابي اعرف ليش سموووها دار الزين !!

    وجوابج خطأ !!! حاولي مرة اخرى لوووووول

    تسلميلي اقصوصه والله،،،بس من جد حبيت قرضتج تميت اضحك حيييييل لول

    تييك كير

  6. سالم الامــارات كتب:

    روضه

    هلا روووضه نورتي والله بطلتج البهية

    للاسف جوابج خطأ حاولي مرة اخرى لول

    سي يا

  7. سالم الامــارات كتب:

    غروك وغيروك

    اهلا اخوي ولا اختي مادري والله
    حياكم الله

    للاسف الجواب خطا ومب صحيح ابدا !!؟ لول
    try again

    تحيتي

  8. سالم الامــارات كتب:

    سجينة الذكريات

    الله يحفظج والله نورتي المدونة بمروروج

    لا الاجابة خطأ انتظري الجواب قريبا ! لول

    تحيتي

  9. إنسانة كتب:

    انا فاشلة في التخمينات ..
    بس تحمست ابا اعرف الاجابــه .. لول

    ارتاح وايد يوم اسير العين ..
    احسها بعدها متمسكة بعاداتنا و تراثنا ..

    دمت بود ..

  10. حلوووووووووووة البنات كتب:

    السلام عليكم
    انا اعرف السبب لاني انا منها ههههههههه
    وما دام انا منها لازم اتكون زين وزينن على زين

  11. سالم الامــارات كتب:

    انسانه

    باجر اغلب الظن بحط الاجابه ،،، والمثل يقول
    يا صابر زمان اصبر كمان !! لوووول

    تيك كير

  12. سالم الامــارات كتب:

    حلوووووة البنات

    ماشالله من العين طلعتي؟؟ بس غريبة بنات العين ماحيد لسانهم طوييل ولا ؟؟ لول

    وايد شايفه عمرج هاه ،،، يعني اونج حلوة خلاص عرفنا من اسمج لول

    تيك كير

  13. ::::::::::::::::::::::::::::::

    السلام عليكم ورحمة الله وبركاته ..
    :
    اسال الله تبارك وتعالى ان تكون بخير وبأحسن حال ..
    :
    عتبي على الرد الأول .. ولكن سبحان الله كل واحد له راي وارتياح نفسي..
    :
    ولكن بدار الزين :
    – الهدوء وراحة البال بعيدا عن جو الزحمة ..
    – جمال الطبيعة التي تمتزج بخضرة أرضها وبرمالها الذهبية الرائعة ..
    -نفخر بأن الشيخ زايد يحبها ويحب اهلها ..
    – تمسكنا بالعادات والتقاليد وروح الأصالة ..
    :
    ودائما نقول الزين من زانت معانية ..
    :
    انتظر الجواب أخي الفاضل منك ..

    وأهلا ومرحبا بك في دار الزين وتنور الدار بوجودكم
    ويفرح الطير والزهر والأرض بكل من يزور العين ..

    :
    الله يحفظك ..

    ::::::::::::::::::::::::::::

  14. مظلومه كتب:

    السلاااااااااام عليك

    أشحالك سالم .. ربك بخير

    من طول الغيبات صدق

    هممم (( العين)) >>> غريبه هههه اظن فهمت

    على العموم انا اول ما قرأيت كنت بكتب سببين

    الاول قالوا وطلع غلط والثاني يمكن وان شاء الله صح

    بسبب كثرة زيارة الشيخ زايد رحمه الله لها وحبه لها

    تيك كير سااااااااالم

  15. ----HAYATCEMRESİ---- كتب:

    السلام عليكم ورحمة الله وبركاته
    ı’m from Türkiye very good your blog.

  16. Hot Chocolate كتب:

    أممممممممم ما أعرف الجواب بس بحاول أخمن
    وبنشوف تخميناتنا بتوصلنا المليون وإلا لأ

    بما أن العين مكونه من 3 حروف و الشيخ زايد الله يرحمه كان يحب العين
    فخذوا أول حرف من اسمه و حطوه بدال العين فبيستوي زين سجع مع عين
    فصارت العين دار الزين

    صح وإلا أحاول مرة أخرى ؟؟؟؟؟؟؟

  17. نوفه كتب:

    ممكن الشيخ زايد الله يغفر له سماها كذا

    أو حتى مشهور فيها شخص زين و سموها كذا 🙂

    ما أدري ما أحب الألغاز دايم أرسب فيها 😀

  18. حاجوني كتب:

    الصراحة افتقدتك .. وحبيت اسلم عليك وأتطمن ^^ ..

    صحيح إنني شرجاوي .. بس أحب مدينة العين .. وأشاركك في حب نادي العين-خارج النص( يقولون فالدي بيرجع المباراة الياية ) ^-^

    وهي من المدن المحببة إليّ .. وكلما أتذكر العين .. اتذكر الشيخ زايد الله يرحمه ..

    هممم .. ليش سميت العين بدار الزين .. الصراحة مافكرت فيها من قبل .. بس يمكن .. هممم

    يوم تصعد جبل حفيت وتشوف “الليتات” وهي ومغطية المدينة .. وتتزين بها كأنها العروس في زفافها >> هالجملة متعوب عليها ترا .. XDD

    ماقدر اقول طيبة أهلها . لأن أهل الإمارات كلهم طيبين بشكل عام .. واسئل اخواننا العرب وهم يخبرونك ^^ ..

    لو تذكرت شي بيي بخبرك .. بس تعال ما خبرتنا اللي يعرف الإجابة شو يحصل ؟؟؟ مابغي مليون .. ابغي ربعه .. بس 250 الف >> شفت كيف اخوك متواضع ومايحب الطمع XDD

    أكثر شي لفت انتباهي في هالتدوينة .. الصورة .. ياخي هالأخطاء الإملائية كل مكان نشوفها ..

    الإمارات العربية المتحدة … الحين شو الفرق بين العربية والمتحدة عسب يكتبونها العربيه .. والمتحدة بالتاء المربوطة ؟؟؟؟ انقهرت الصراحة .. وهذه من الأخطاء الشائعة عندنا .. وسلم لي عالعربية إذا ما استمر الحال بهالتساهل ..

    نتريا الإجابة ..

  19. فاطمة كتب:

    يعطيك الف عافيه ع الموضوع

    بس انا ماعندي جواب

    الجواب عندكم يآهل الامارات 🙂

  20. سالم الامــارات كتب:

    الوجد

    مرحبا يالوجد نورتي وشرفتي والله لول

    يقولج المثل لولا اختلاف الاذواق لفسدت البضائع!! في حد يشوف الشي حلو وفي حد لا ،،كلا حسب ميوله وتجاربة ومواقف وذكريات وغيره فعادي يعني في ناس يحبون العين وحد مايحبها وحد يحب دبي وحد مايحبها كلا حسب

    الزين من زانت معاانيه !! ممممممممممممم قربتي لول

    استعيني بصديق لول

    تيك كير

  21. سالم الامــارات كتب:

    مظلومه

    اهليييييييييييييييييييييين مظلومه نورتي والله ،،، انا بسميج المخلصه مب مظلومه ،،،ليش السبب بتركه لنفسي ،،فلو سمحتي من المرة اليايه غيري اسمج لول

    السببين خطا لول

    تراي اقين لول

  22. سالم الامــارات كتب:

    HYATCERMICES

    وعليكم السلام

    you are from turkey? but u do understand arabic right?!lol
    i was in turkey 2 years ago, it has been such a nice jurney there

    i’m glad hau u did like my blog and hope to keep watching u in here with us
    thanks for your complimentry

    take care dear

    regards

  23. سالم الامــارات كتب:

    Hot Chocolte

    مرحبا شوكوليت شخبارج

    اولا انا زعلان منج وانتي عارفه ليش

    ثانيا تخمينج واسلوب شرحج للنظرية بالفعل اصح من الجواب نفسه !!!!!
    يعني انتي لو عرفتي الجواب عادي تذبحيني !!!!!!!؟ لول

    بس نظرية وتخمين من جد رائع عيبني طريقة تفكيرج وبعد نظرج

    تسلمين شوكوليت وكييب ان تج

    سي يا

  24. سالم الامــارات كتب:

    نوفه

    اولا حياج الله ويانا و زيارتج الاولى ويانا شرفتينا صراحه

    انا بعد ماحب الالغاز بس اذا كان فيها عمق تفكير تعيبني احيانا لول

    سي يا

  25. سالم الامــارات كتب:

    حاجوني

    اهلين صديقي حاجوني سمحلي مقصر وياك والله بس مثل مانت شايف ياييياتي عالنت مب هاك الزود مشغووول في الدوام وايد

    المهم شخبارك وشو جديدك ،،، اتمنى تنورنا بزيارتك لبوظبي جريب يا صديقي

    بس بعلق على شي ،،،انت قلت

    “يوم تصعد جبل حفيت وتشوف “الليتات” وهي ومغطية المدينة .. وتتزين بها كأنها العروس في زفافها >> هالجملة متعوب عليها ترا .. XDD”

    كانها العروس في زفافها !!!!!!!!!!!!!!!! زين منو المعرس !!!! لايكون البريمي ههههههههههههههههههه
    والفستان وين مفصلينه لوووول

    انا كنت بعطيك جايزة اااخر حلقات لانيمي يدي مزلنه لووول بس للاسف راحت عليك لول

    اتصدق انا بعد مالاحظت الخطا الاملائي؟؟ حاطين تاء بدال الهاء لول

    اتريا الجواب والله يعيني ع ردوود الافعال !!!؟

  26. سالم الامــارات كتب:

    فاطمة

    حياج الله يا فاطمة

    الجواب بتعرفينه للولل

  27. سالم الامــارات كتب:

    الجـــــــــــــــــــــــــــــــــــــــــــــــــــــــــــــواب

    مرحبا اصدقائي

    طبعا محد عرف الجواب وانا كنت شبه واثق من هل شي لاني انا بروحي ماكنت متوقعه ،،،،بالرغم من ان بعد معرفتي للسبب تذكرت ان الكلام هذا انا سمعته وايد بس ماتوقعته السبب؟؟

    اتمنى اني ماواجه هجوم شرس من الجنس الاخر ،،،لان انا مالي علاقه هذا السبب الي قالي عنه الشيبه لول

    انا بقولكم شي نحن متى نقول عن الشيء زين !!!!
    يوم يكون شي حلو ،،،صح
    العين معروفه عند معظم الناس والرياايييل بالتحديد عن جمال بناتها !!!!!!!!!!!!!!!!!!!!!!!!!!!! من جي تسمت دار الزين !!!!

    يعني العين دار البنات الجميلات ع قولت الريال لول

    لووووول

    وهل شي دوم نسمعه ان ينات العين جميلات لول
    وتسلومولي ع مشاركتكم واجتهادكم ولا تعصبون بليز

    تيك كير

  28. حاجوني كتب:

    خخخخخخخخخخخخخخخخخخخخخخخخخخخخخخخخخخخخخخخخخ

    لوووووووووووووووووووووووووووووووووول

    طرت عبالي هالفكرة .. بس ماحبيت أقوله .. مافينا عالجتل << بيني وبينك لا تخبر حد 😀

    ماعليك زود ياخوي .. يوم قلت لك افتقدتك .. قصدت من زمااااااااان ماسمعنا عنك مب قصدي انك مامريت علينا ^^ ..

    اتصدق انا بعد مالاحظت الخطا الاملائي؟؟ حاطين تاء بدال الهاء لول

    لاااااااااااااااااااااااااااااااااااااااااااا الهاء هي البلوى ×_×

    الصحيحة تكون بالتاء المربوطة كلهااااااااااااااااااااااااا ..

    …..

    ياريال شو يوديني بوظبي .. عاد انت شرفنا الشارجة ^^ ..

    انزين الحين انت متأكد من هالجواب ؟ ولا بس لأنه ربيعك خبرك فأنت تخبرنا ؟

    أقصد العين سميت بدار الزين بسبب اللي ذكرته ولا <<مايقدر يكتب اللي كتبته انت|| ما يقدر عالفلع والكعب XDDD

    أتوقع هالإجابة مب صحيحة 100% .. ويمكن ربيعك حب يسولف وياكم .. .. لو جيه لازم نسأل شيابنا .. هل العين اسئلوا شوابكم وخبرونا بالإجابة الصحيحة ..

  29. سالم الامــارات كتب:

    حاجوني

    بوظبي ساعه وانت فيها لاتتعايز بعرفك عالشباب لول

    هههههههههههههه
    صح كلامك انا خفت من الفلع والهجوم الي ممكن اتعرضله لوووووووووول و ع فكرة انا للحين خايف الله يستر لول

    والي قاله الريال انا اعرفة من زمان !!!!!! ومعظم الشباب وحتى البنات لو سالت وكانو محايدين بيتفقون وياي !!!!!!!!!!!!!!!!؟
    يمكن في الكشخة واللبس مب شرات بنيات دبي مثلا بس في الجمال الطبيعي من غير ميكاب وعبي مترصرصصة والحركات هاي ،،،،مع احترامي العيناويات وبس لول

    شوف اذا تم اغتيالي فمدونتي راح اورثك اياها لول

  30. ro7-al3in كتب:

    من يومين وأنا أحدر الموضوع وأريد أعرف شو السبب وآخر شيء طلع هذا خخخ
    بس يعني بعدني ما أقتنعت.. لا غير حبيته خخخخ
    شيء جميل والله ^^

  31. سالم الامــارات كتب:

    RO7-AL3IN

    تحدرين بس ماحطيتي رايج هاه لووووول

    ترى الناس قبل لهم نظرة بعد ،،،مايقولون شي عبط ،،،دام سموها لهل سبب فهم اكيد لهم نظرة لول

    تيك كير يا روح العين لول

  32. ::::::::::::::::::::::::::::

    🙂

    هذا الجواب !!

    عجيب والله ..

    🙂

    الله يهدي قلبك الشايب اللي خبرك ..
    كنت اتوقع الجواب شيء كبير :(..
    :
    :
    الله يحفظك

    ::::::::::::::::::::::::::::

  33. سالم الامــارات كتب:

    الوجد

    لووووووووووووووووووووووووووووووووووووووووووول

    تسلميلي يا وجد ،،،،شنسوي بعد الكبار لهم نظرتهم ّ_^

  34. Hot Chocolate كتب:

    أشكر فنه هالشيبة اللي عطاك هالسبب
    أنا عيبني الجواب خلاص … بنشره بين اللي أعرفهم

    .. “اولا انا زعلان منج وانتي عارفه ليش” ..

    هيه أعرف 🙂

  35. مهرة كتب:

    السلام عليكم ورحمة الله وبركاته

    تسلم أخويه سالم الإمارات ع الموضوع الرووووعه وياريت لو تكثر من هذي المواضيع دار الزين تستاهل فديتها وربي ان طاريها يكفي ^__^

    وعتبي ع رد الأخت الطيبه اقصوصه

    ( احس اني في كابوووووووووس )
    الله يهديها ويصلح بالها .. شو قصدج بكابوس يا أختي
    لا تنسين كلنا من أرض وحدة^^

    سالم ياريت لو تكثر من مواضيعك عن العين 🙂

    وبارك الله فيك

  36. روضه كتب:

    السلام عليكم

    وناسه أخيراً عرفنا الجواب اللي ماحد فينا قدر يوصل له .. والأحلى ان الحل طلع بسيط وايد ومايباله تعقيد ..

    بس على فكره ترا هالشي يا مصلحه لجيوب الرياييل واللي اكيد بتخف عنهم مصاريف صرعات آخر موضه وخلطات ومكياج وصالونات بما ان بنات المنطقه حلوات – حلاوتهن ربانيه – مايحتاجن مكياج وهالسوالف ..

    ماشاءالله تبارك الله اللهم لاحسد وعساهن في زياده

  37. إنسانة كتب:

    السموحه يعني ..
    بس احس ما يخصه ..

    كل مكان فيه جميلات و فيه عاديات ..
    ما حسه جواب منطقي ..!!

  38. نوفه كتب:

    أخيراً عرفت الإجابة ليتني قلتها كانت قريبة على لساني >>>أم شلاخ

    أصلاً بنات الإمارات ماشاء الله تبارك الله ربي يحفظهم

    جميلات و الله أقولها من غير مجاملة يعني يبي لي أشوف بنات العين 🙂

    باحفظ المعلومة يمكن تفيدني مستقبلاً

  39. سالم الامــارات كتب:

    انسانه

    مرحبا انسانه شخبارج لول

    شوفي نحن مع الكبار ومع وجهات نظرهم ورؤيتهم السديدة والدقيقة لول

    وانا هل شي سامعنه من قبل واااايد صدقيني لول

    وطبعا اهل الخبرة لهم كلمتهم لول

    تحيتي لج انسانه لول

  40. lil.D كتب:

    فديت العين … =) …
    ما ارتاح من اطلع منها …
    احس اني ضايعة لين مارد …

    موضوعك حلاته في الردود والتخمينات 🙂 …
    ودي ألخصهم واحطهم فاستيكر على الدسك توب مالي !! …
    سالم الامارات …
    العين كل ما فيها حلو …
    حتى دواويرها اللي الحين يبون يقضون عليهن هههه ..

  41. dsoky كتب:

    السلام عليكم واللة جميلة العين واناعن نفسى حبيتها وحبيت اهل الامارات الطيبين وعشقت ارضها الجميلة احمد من مصر

  42. Al-Mith كتب:

    السلام عليكم و رحمة الله وبركاته ..

    يؤ يؤ .. ~ اشك الصراحة من الجواب ..

    لأن كل بنات البلاد حلوااات هههههههه ..

    بحصل فلعاات الحين .. ><

    الميـــــث ~

  43. بنت دآر الزين كتب:

    امممـ , والله مأـآلي خبرهـ ,,

    ><" ,, قوول الجوآب ,, وخلنا نستفييد

  44. السلام عليكم ورحمة الله وبركاته

    العين المدينه الي ما تمل منها والمدينه الي ولد فيها اكثر شيوخ ال نهيان

    والمدينه الي كل ما ابتعد عنها تحس بضيقه

    باختصار العين دار الزين سميت بدار الزين لجمال بناتها

    ومابا المليون ابا 100 الف فقط ورقم حسابي بخليه ههههههههههههه

  45. a7mad كتب:

    هــلا …
    العـين سمووها بدار الزين لانها زينه .
    بس…..

  46. a7mad كتب:

    السلام عليكم ….
    هلا ســالم …
    ياااخي قوول الجوااب ذلتناا يااخي انت اصلا ما تعرف الجواب بقالك سنه ما تجاوب عشان انت ما تعرف الجواب .
    تقوول تعرفه اووكى حط الجواب واكيد بيكون نفس كلامنا

  47. a7mad

    الجواب كتبته بين الردود صديقي لووول