اذا اكرمت الكريم ملكته ،، واذا اكرمت اللئيم تمرد

Posted: 31 ديسمبر 2008 in مشاكل تحتاج حلول
الوسوم:

18002792xv71

قبل عدة سنوات كنت من مرتادي احد المقاهي الشعبية في ابوظبي، وخلال جلوسي كنت دائما اشاهد احد الاخوان كثير الجلوس والتواجد في نفس المكان وبشكل يومي ايضا، المهم ساعدت الظروف في اني اتعرف على هذا الشاب وتكون بيننا اتصالات ومقابلات وطلعات للسينمات وعرفته ع ربعي واخواني، المهم اخونا كاان عاطل عن العمل ولم يكن ايضا من مواطني دولة الامارات ولكنه  كان من الجنسيه اليمنية ومتزوج وزوجته اماراتية وهي ابنة خاله بالتحديد، وطبعا خاله كان يملك منصب ليس بالسهل ابدا يعني ابو الواسطات، بالرغم من ذلك لم يساعد ابن اخته ونسيبه في الحصول على وظيفة حتى ولو كانت بسيطه !! المهم صديقي القديم في كل مرة اجلس معاه كان يشتكي انه مب قادر يحصل ع وظيفة ومحد من اهله ساعده وانه وحيد امه وابوه المتواجدين في المملكه العربية السعودية وظروفهم المادية جدا صعبة، لدرجة انه تم يصيح ودموعه تذرف ع خدوده وان خلاص فقد الامل ولازم يرد المملكه عند اهله.

تميت افكر لحظتها وقتله خلي املك ع ربك واتريا اتصال باجر الصبح ان شاء الله ! الصبح ياله اتصال من احد كبرى شركات البترول في ابوظبي قالوله عندك مقابله باجر !! واليوم الثاني سوى المقابله وقالوله مبروك انت مقبول وبراتب عمر ماحلم فيه وفي وظيفه حتى مواطنين مايحصلوها !! الحمدلله بفضل ربي ومن خيره قدرت اني اساعده بالرغم ان علاقتي معاه ماكملت وايد يمكن ثلاث اسابيع بس !!!

طبعا من يوم قبوله ولعدة سنوات اخرى ماشفت رقم هل ريال ع تلفوني !!! حتى ماسمعت كلمت شكرا او ماقصرت يا سالم !! بعد كمن شهر دخلت المسجد عندهم في شركتهم عدة مرات وقت صلاة الظهر وعينه جت بعيني ولا حتى سلم علي !!!!!!!!!!!!!!!!!!!!!؟ جد جد انقهرت وتضايقت وحسيت بغيض ناحيته ، بس كنت اقول انا سويت جي لوجه الله فانا بتريا الخير من ربي مابتريا منه شي اساسا لان مابيده يردلي بشي، في مرة اتصلي اونه يسلم ومفتقدني ومالحق يكمل 5دقايق الا قالي كلم مديري عسب يرقيني !!!!!!؟

القهر مب من الغريب يا اصدقائي ،،،لان الغرب نحن مانعرفهم فممكن نتوقع اي شي منهم لان اصلا ماعاشرناهم ولاعرفنا خيرهم من شرهم، القهر يكون من قريبك ومن اللي من دمك يوم تكتشف انه لئيم !!! يوم  تكتشف انه قليل اصل !!! يوم تبيع نفسك وعمرك عشانه بس هو يبيعك ببخس!!! ويوم تضحي عشانه بالي جدامك والي وراك بس هو يضحي فيك انت !!! هني يكون القهر والغيض والجرح يا اصدقائي

بس الواحد من كثر ماشاف صارت عنده مناعه ضد كل هل ظروف وخذ دروس في الحياة منها المؤلم ومنها الطيب ونصيحه لكل حد عامل كل انسان حسب شخصه ، اذا كان راعي اخلاق وقيم وشاريك فانت شاريه، واذا كان زباله ،،،،فانتو ادرى كيف نتعامل مع الزباله!!

تحيتي

Advertisements
تعليقات
  1. a553 كتب:

    السلام عليكم

    لووووووووووووووووووووووووووووول اول وحده ارد

    صدقت سالم اذا اكرمت الكريم ملكته واذا اكرمت اللئم تمر

    هذه الفئه من الناس منتشره في جيمع المجتمعات مهما تفعل خير فيهم يجازونك بنكران جميل … الواحد يحتسب الاجر علي رب العالمين ولا تضايق بعمرك

    تحياتي

  2. اقصو صه كتب:

    اول شي الحمدلله ع السلامه

    كل واحد ترى يعمل بأصله

    يقولك المثل سوي خير وعقه بحر

    الواحد ما عاد يستغرب من اي شي بهالزمن

    كل شي صار عادي

    ونكران الجميل والجحود

    اشيا احنا نشوفها كل يوم

    يلا ترى الواحد يعيش ويتعلم

    اقول…ترى انا بطاليه..:)

    مدام الاخ عنده وسايط جيه..وظفنا

    ع الاقل احنا مواطنين لووووووووووول

  3. سالم الامــارات كتب:

    a553

    اتذكر قبل سنوات قلتيلي كلمه انتي
    قلتي ان ملحي وملحك خايس !! شومانسوي زين ويا الناس يجازونا بالعكس ،،،تحيدين؟
    ظني انج كنتي صح

    بس ربي يجازي الواحد ع اعماله وهو الي يعرف الصح من الغلط وشو الي بالنفووس

  4. سالم الامــارات كتب:

    اقصوصه

    ليش بطاليه؟؟؟ خلصي دراستج الاول لووووول

    وبعدين حلات البنية يوم تشتغل بالمطبخ مب في المكااتب
    وبعد ان ضد عمل المراه !!!!!!!!!!!!!!!!!!!!!!!!!!!!!!؟ لووووول

    يعني لاتحاولين مافي امل ّ_^

  5. الهادئه كتب:

    عودا حميدا عزيزي سالم,,,

    افتقدناك وطالت غيبتك والحمدلله على رجوعك بالسلامه,,,

    الموضوع الي كاتبه موضوع حساس جدا ومنتشر كثير وللاسف اكثر الناس اذا لهم

    مصلحه وياك حطوك فوق روسهم واذا انتهت وكأنهم مايعرفونك,,,طبعا الحياة مليئه

    بهذي النماذج,,,ودائما المضره تجي للانسان من اقرب الناس له,,والمقوله

    المشهوره (اللهم اكفني شر اصدقائي اما اعدائي فأنا كفيل بهم)

    بس الواحد يعمل باصله والي يرضي ضميره واجره عند الله انشالله ويحتسب

    الاجر عند ربه وربي مايضيع عمل احد,,,

    السموحه على الاطاله,,,,مره ثانيه wllcome back (:

  6. سالم الامــارات كتب:

    الهادئة

    مقولة جمية يالهادئة التي طرحتيها وطبعا كبارنا ماقالو شي الا ومنه حكمه ودرس او انهم شافو شي وتعلموا منه ومنها طلعت امثالنا وفوق هذا كله السنه وقصص الصحابة فيها كثير من الامثلة ايضا بس مابي اجول فيها

    بالعكس الهادئة خذي راحتج والمكان مكانج

    اشوفج ع خير

  7. اوهووو يااااكثــر هالأشكـــال *ـ*
    أذكر وحدهـ ارسلت لي لآب توبها فيه مشكله وكنسلت كل شغلي عشآنها وطلعت عيوني وروحي وبالاخير يوم استلمته حتى كلمة شكرا ماتعبت روحها عشان تقولها ..ــ<,

    تحيتي ^ــ^ ودمت لنا بخير

  8. سالم الامــارات كتب:

    بنت الشيوخ

    ع طاري اللاب توب باركيلي وصللي لاب توب يديد لول
    الله كريم شيختنا وربي المستعان

    تسلمين وما قصرتي وانا عندي لاب توب صلحيه وانا بشكرج من اليوم لين باجر لول

    تحيتي

  9. نهـــار كتب:

    السلام عليكم..
    الحمدلله على السلامه أخوي سالم….
    ………….
    مثل ماقلت أخوي الواحد يعامل الشخص على ماهيته وماهو يستحقه…
    بس طبعا دوما نقدم إنه إلي جدامنا يكون من أهل الخير..
    …………
    والعمل الصالح لابد أن يعود لك …
    ولك الأجر أن شاء الله..
    …………….
    مجرد شي خطر في بالي…
    عشان جذه عمه ماكان معبرنه يدريبه نذل …
    ……………
    دمت بخير..

  10. lil.D84 كتب:

    حمدلله على سلامتك يا سالم ..
    مابقولك سوي خير وعقه بحر .. ولا من هالكلام ..
    فعلا انت ممكن تسوي شي وتكون نيتك زينه ..
    لكن في حديث لرسول الله صلى الله عليه وسلم قال:

    ———————————————————–
    9989 – من لا يشكر الناس لا يشكر الله
    الراوي: أبو هريرة المحدث: الترمذي – المصدر: سنن الترمذي – الصفحة أو الرقم: 1954
    خلاصة الدرجة: حسن صحيح
    ———————————————————–

    مابقول غير يزاك الله خير وعسى الله يجزيك عنه كل خير ويصبرك على مجابل هالناس .. وعسى الله يهديهم ان شاء الله

  11. امممممممم
    جالسه افكر صار لي موقف زي كذا والا خخخخخ

    الحمدلله ماصار لي هيك شي
    يوووه لو صاير لي كان مت قهرررر

    قواة عين ,,, يبي ترقيه بعد !!!
    زمن مصالح :/

  12. لا تنس ذكر الله كتب:

    السلام عليكم ورحمة الله وبركاته

    يسعد مساك اخوي سالم

    فعلا إذا أنت أكرمت الكريم ملكته وإذا انت أكرمت اللئيم تمردا

    أنا مرت علي مواقف واااااااااايد من هالنوعية وكنت صدق اتضايج وأقول ليش الناس ما فيها خير ليش الناس تكسر الإيد الي تحسن لها
    لكن بعد هالمواقف صارت عندي مناعة على قولتك و تعلمت شي مهم وما صرت أزعل ولا يهمني

    بقولك شي اخوي سالم صح شي يقهر نكران الجميل بس أي إنسان إذا قدم الخير خااااااااااااالص لوجه الله ما يبتغي غير رضى ربه
    خلااااااص لازم لا ينتظر شكر ولا سلام ولا هدية ولا حتى ابتسامة ولا أي شيء
    يسوي الخير و ينسى

    فلا تزعل ولا تتضايج من نكرانه لجميلك
    إنت ما تدري ان بالخير الي سويته إنت ساعدت أسرة كاااملة ويمكن بهالخير ربي كتب لك رضوانه إلى يوم الدين ويمكن بهالخير ربي بيفتح عليك وعلى أسرتك أبواب الرزق و الخير ويمكن بهالخير ربي بيدفع عنك وعن أسرتك أبواب الشر ويمكن بهالخير مثل ما ساعدته وفرجت كربته ربي بيساعدك وبيفرج كربتك وإن بكل درهم ياخذه طول ما هو يشتغل في موازين حسناته وووو

    لا تنتظر الجزاء من بني آدم أنتظره من ربك الي ما يضيع عنده مثقال ذرة والي يضاعف بالحسنات أضعاااااااااااف المضااااااااااااااعفة
    وصدقني ياسالم راح تشوف هالخير الي تسويه بحياتك قبل آخرتك

    و بالعكس لازم تفرح يا سالم وتشكر ربك إن اختارك أنت من بين الناس و وفقك إنك تقدم الخير لهاشخص وتساعده
    فإنت ما تدري شو الي خبأه لك ربي بهالشي فهذا توفيج من ربك لك

    ياسالم الي سويته ماضاع لو هو نكرك ربك الكرييييييييم فوق ومطلع

    فلا تزعل وتتضايج

    دعواتي لك
    ربي يوفقك و إيانا دايما و أبدا للخير

  13. مظلومه كتب:

    السلام عليك أخووي سالم

    حمدلله على السلامه

    يقولكــ المثل سوى خيـــر وعقه بحـــر

    وبعدين بكل مكان بتلاقي هالاشكال وموجودين بالمجتمع بس شو بتقول

    وشرات ما قلت انت تباه الاجر من ربك موب منه اهو لا تضايق ولا تزعل ربي ما بينساك من الآجر أبد ..

    ويزاك الله خيـــر يا سلاام كفيت ووفيت بشخص قليل أصل ..

    تقبل مروري أخووي ..

  14. missfo0fo0 كتب:

    السلام عليكم ورحمة الله وبركاته

    اهم شي انه انحسب في ميزان اعمالك 🙂

    ولا اذا بتتظر كلمه شكر من الناس بتتعب ..

    خصوصاً ان في ناس ماتقدر الخير ابد ..

    بس الاكيد واللي مايختلف فيها اثنين

    ان اجرك عند الله مايضيع 🙂

  15. الحمدلله ع السلامه وعودا حميدا ^.^
    من طول الغيبات ….

    بالنسبه للموضوع ..
    اولا .. جزاك الله خير , أعجبتني وقفتك الاخويه
    والله في عون العبد ماكان العبد في عون أخيه ..

    ثانيا .. يا الله ع اللؤوم هالزمن تتوقعه من اقرب
    الناس لك .. تمد يدك لهم ويعضونها .. مانقول الا
    الله المستعان ..

    لي سؤال ع المقطع الاخير .. كل ماجيت اطبقه اتراجع ..
    (ونصيحه لكل حد عامل كل انسان حسب شخصه)
    مادري احسه يتعارض مع حسن الخلق !!
    ياليت تفيدني : ( .. بجد محتاره ..

    دمت بخير ^.^

  16. تغريد كتب:

    لا أدري بحق لما اصبح البشر هكذا …. أصبح التعارف من اجل المصالح .. في عصرنا طغت المادة على كل شيء… نسأل الله السلامة ..

  17. مفنوده كتب:

    باختصار شديد ( سوي خير .. وعقه بحر )

    الاجر من اللهـ ،، وصحيح انه من المفروض انه اقل شي يسويه يشكرك

    والقهر انه اتصل عشان يبي شي >.< قوية

    جزاك الله خير .. كل شي بأجره

    حمدالله عسلامتكـ اخوي سالم كيف كانت رحلتك

  18. lOsT كتب:

    فهالزمن لا تنتظر كلمه الشكر من كل حد لأن الظاهر عندهم الشكر موضه جديمه !!

    يكفيك انك تاخذ الأجر من الله سبحان وتعالى وهذا أهم شي !

    =)

  19. حاجوني كتب:

    أول تعليق هنا ^^ ..

    اخوي سالم وأنا أقرأ القصة حسيت فيك .. وحسيت بالغصة اللي يت لك .. هذه حال الدنيا .. وسبحان الله بتحصل وايدين جي .. بس ماعليك منهم أهم شي النية .

    قال صلى الله عليه وسلم : ” إنما الأعمال بالنيات وإنما لكل أمرئ ما نوى ”

    قال الله ( ويطعمون الطعام على حبه مسكيناً ويتيماً وأسيراً () إنما نطعمكم لوجه الله لا نريد منكم جزاءً ولا شكوراً() إنا نخاف من ربنا يوماً عبوساً قمطريراً () فوقاهم الله شر ذلك اليوم ولقاهم نضرة وسروراً )

    بإمكانك ترجع لسورة الإنسان وتقراها ^_^

    اعتبر ما قمت به صدقة لوجه الله ، واعلم أن الله يجازي كل على نيته ولا يخفى عليكم آثار الصدقات على الإنسان في الدنيا قبل الآخرة فهي كما قال عليه الصلاة والسلام ” الصدقة تطفئ غضب الرب ” وغيرها الكثير .لايسعنا المجال لذكرها هنا..

    السموحة عالإطالة .. والله يعيننا على فعل الخيرات ..

    والسلام عليكم ورحمة الله وبركاته..

  20. سالم الامــارات كتب:

    نهار

    الله يسهل عليه اختي نهار بس مقصدي ماكان هل ولد
    مقصدي كان اذا حد من دمك شو بيكون احساسك !!! ولدك مثلا؟؟

    تحيتي

  21. سالم الامــارات كتب:

    lild84

    تسلميلي اختي وعلى اضافتج لحديث الشريف

    ربي يحفظج

  22. سالم الامــارات كتب:

    الوان رمادية

    بعدج ماجابلتي الحياه والناي يا رمادية
    خوفي تستوين حزتها من الوان رماجية للوون اسود لول

    تيك كير

  23. سالم الامــارات كتب:

    لا تنس ذكر الله

    انا ماتربا شي من حد وبالعكس هل شي خالص لوجه الله لاني اذا فرجت عن مسلم كربة فاكيد راح ربي يفر عني في يوم من الايام
    بس دمج يوم يغدربج ،،،، يكون شي ثاني ،،،وبعدها ماتصير عندج مناعه ضد الامور ،،،بعدها تفقدين شي اسمه احساس اصلا !!!؟؟؟

    لكن في النهايه هاي دروس وعبر نتعلمها في الحياه نستفيد ونفيد غيرنا منها ونحاول نتجنبها في مستقبلنا

    كلامج جدا اثلج صدري اختي
    عساج دوم ذخر

  24. سالم الامــارات كتب:

    مظلومة

    قليل اصل !!!! يبانا نتعلم اساليب عسب نحددهم لان يمكن يطلعلج واحد في البيت وانتي مب عارفه !!! الله المستعان!!!!!

    تحيتي مظلومه وماقصرتي

  25. سالم الامــارات كتب:

    missfofo

    صحيح كلامج اختي وتسلميلي والله ع مرورج الاول عندي وشرفتينا صراااحه

    تحيتي

  26. سالم الامــارات كتب:

    ود القلوب

    لو رديتي لمشاركه لاتنسى ذكر الله بتحصلين الجواب موجود وانتي يوم تسوين شي تحتسبين امرج لله واجرج على الله

    لكن في جانب اخر اذا فكرنا فيه فانقول ان نحن مب كاملين والكمال لله
    انا اذا شخص عارف اني مابحصل من زراه الا الم وضيج فليش اتعب وراه اساسا واضحي ،،،،بس حد بيقول سوي الخير واحتسب لجرك على الله

    يعتمد عليج انتي ،،،انتي الي تحددين شو تبين ،،،من رايي اذا تبين التعب وتعرفين شخصية الناس واصلهم ومعدنهم وتتحملين النتايج الي بتييج فالخيار الاول
    اذا لا كل حد يوقف عند حده وماياثر فيج بالسلب فالخيار الثاني

    القرار لج

    كل الود لكي يا ود

  27. سالم الامــارات كتب:

    تغريد

    هذا حال الدنيا بسبب بعدنا عن دينا وسنتنا وعاداتنا

    تحيتي تغريد ع مرورج الاول

  28. سالم الامــارات كتب:

    مفنوده

    الرحلة حلوة ومو حلوة !!!!!وتبعت الرحلة هاييج رحلة ثانية توني اليوم ياي بسكانت للعمل هل مرة ،،،، بس الحمدالله لعل في ذلك خير

    ان شالله في اقرب فرصه بحطلج الصور تشوفيها وانتي كنتي صح يا شطووورة يا مكارة لول

    سي يا

  29. سالم الامــارات كتب:

    lost

    صدقتي يا اختي المهم نتعلم من الي نشوفه ومن تجارب الثانين

    تحيتي

  30. سالم الامــارات كتب:

    حاجوني

    شرفتنا اخوي حاجوني والله بمرورك الطيب وبمشاركت المميزة صدقت ان الصدقه تطفئ غضب الرب
    كلامك من جد اثلج صدري

    ماقصرت صرااحه وان شالله اشوفك اكثر الغالي

    تحيتي

  31. ^_^ كتب:

    مساء الخيير بو مهرة ..

    وأنا يالسة اقرى الموضوع اتذكرت أشخاص صارلهم هالمواقف وتعلموا وتغيروا وتقريبا كلنا مرينا يمكن أقل عن هالموقف.. أهم شي الشخص يفكر بطريقة ايجابية و يقدم الخدمة لوجه الله ولا يترا الرد وإن شاء الله يكون بميزان حسناته صح ببداية بحس بالخيانة أو صدمة بس لازم يحاول يعدي الموقف عليه ..لأن صدق بيتعععب خلاص لازم يعود عمره..إذا هو بهالدنيا.. طبعا إذا هو حاب يقدم هالخدمة ..ترا الدنيا تغيرت ..زمان أول يوم يذكرون الشخص يذكرونه بمواقفه و وقفاته ويردون المعروف عن خاااطر ويحسسونك أنك كبير وسويت شي وأنت يمكن تحسه هالشي بسيط ..بس الأول تحول ..رغم هالشي يظلون في أشخاص من هاك الزمن وبعدهاا الدنيا بخيير ولازم نتفائل…نحاااول عالأقل!!

  32. سالم الامــارات كتب:

    ^_^

    ان شاللخ بنحاول لول

    تسلميلي

  33. Mercy كتب:

    هالقصص تصير لنا واجد بحياتنا اليوميه
    والله قصتك تشابه قصتي 🙂

    مشكلتي طيبه وعلى نياتي لكن الحمد لله تغلبت على هالشي وصرت افتح عيوني زين 😀

    تعامل ناس بطيب وحسن نيه ويستغلون هالشي لصالحهم وينسونك يوم يحصلون اللي يبونه

    الله يعينك وانتبه من هالاشكال المره الجايه ؛)

  34. سالم الامــارات كتب:

    Mercy

    ان شالله يا اختي بسمع نصيحتج ومشكووورة ع مرورج الطيب

    تحيتي

  35. ابنة الإسلام كتب:

    صدقت ياخوي

    مثل هالموقف يصير داااااااااااائما عند اهل الخير خاصة.

    انت سويت كل شي عشان الأجر والله مابيضيع اللي سويته.

    أما الناس برايهم …

    اللي يبا يشكر مابيغلبه…

    وفيه بعضهم ممكن حتى يقولون ماسويتلي واسطة ع شغله زينه… (اذا كان الراتب ماعايبنه)

    ماعليك من غيرك………

    والله يوفجك

  36. فعلا المصيــــبه إذا ياكــ الجحود ونكران المعـــروف من أقرب الناس لكــ
    بس شو نقول

    موفق اخوووووي سالم وإن شاء الله في ميزان حسناتكــ

  37. سالم الامــارات كتب:

    عنود المها

    تسلميلي اختي ومشكوووورة ع مشاركتج نورتي المكان والله بوجودج

    تحيتي

  38. barca كتب:

    موضوع جميل وانا جد محتاجة لهذه المعلومات

  39. سالم الامــارات كتب:

    barca

    شكرا اختي وان شالله اتمنى اكون ستفدتي من التدوينه ومن ردود اصدقائي هنا

    يعطيج الف عافية

  40. سمية كتب:

    شكرا جزيلا على هذه المقولة الرائعة التي لم ادركها حتى فات الاوان
    اذا اكرمت الكريم ملكته واذا اكرمت اللئيم تمرد

  41. سالم الامــارات كتب:

    سمية

    شكرا اختي سمية ع مرورج الاروع واتمنى مشاركات اخرى لك باذن الله

    تحيتي

  42. […] احداهن <~ مالهم امان وانا اشهد ياحياتي .. اذا اكرمت الكريم ملكته ،، واذا اكرمت اللئيم تمرد عوافي توقيع مس […]

  43. محمد كتب:

    والله ما قصرت وبيض اله وجهك يا سالم

    u_l_o@hotmail.com