ذكريات من ايام المدرسة

Posted: 8 أكتوبر 2008 in الحياة حلوة

 

يوم تخرجت من الثانوية العامه زمان …ياني ولد جيرانا كان يشتغل وكيل مدرسة …قالي سالم: انا اغبطك ؟ …قتله ليش؟ …قال لانك تخرجت توك من الثانوية العامه وعندك وايد ذكريات حلوة في المشاغبة والفوضى …وانا يوم كنت في المدرسة كنت هادي ومؤدب مب مثلك مشاغب !! فما عندي ذكريات اذكرها !!؟ طبعا هو ما كان وكيل مدرستي بس من كثر ما صيتي كان عالي ومعروف في المشاغبة والمشاكل حتى المدارس الثانية كانو يسمعون عنها !!؟ لول ….بخبركم اليوم بعض المواقف والذكريات الي عشتها في ايام المدرسة وشو سويت وشو استوى وياي!!

ايام المدرسة انا كنت والحمدلله من الشطار يعني دوم علاماتي مرتفعه واطلع من الاوائل بس في نفس الوقت مشاغب وفوضوي ؟؟؟ المهم يوم كنت في الثانويه العامه ومن كثر ماصفنا مشاغب مدير المنطقة التعليمية بنفسه مطرش طبيب نفسي حقنا بس !!!!!!!!!!!!!!!!!!!!!؟

المهم يلس وياي الطبيب المصري وقالي باللهجه المصرية ..ايه يابني انت فيك ايه، ليه انت مشاغب ومابتسمعش الكلام مع انك بسم الله ماشاء الله من المتفوقين !!؟ …تمييت سااكت واطالع في الارض …جججان ااخذ تنهييده عووده واقوله ..مشكلتي ماتقدر اتحلها يا دكتور !؟ قالي لا حأدر …وتم يحاول ويتكلم ويثرثر ويقرقر ..جان اقوله دكتور ان مشكلتي هي اني ضد الموقف العربي من القضية الفلسطينية !!!!!!؟ لوووووووووووول قااالي ايييييه بتؤووووول اييييه !!!؟ انت مجنوووون انت مش صاااحي أوووم اطلع برع ….هههههههه

وعقبي دش ربيعي احمد ….جان نسمعه يصيييييييح بصوووت ودموعه اربع اربع والكلينكس خلص في المدرسة وقلاص ماي داخل والثاني طالع … قال للدكتور ان ابوي مااات وامي تزوجت ورايل امي يكفخنا ومايعطينا اكل …وعمي خذا بيتنا وشردنا !!؟ وانا ماعندي مكان ادرس فيه !!!!!؟ المهم ….شوي ونجوف الدكتو مطلع احمد من الغرفه وحزين على قصته وحياته …ماكملنا دقيقتين الا نجوف ريال واقف ورا المدرس …منو طلع !!!!؟ ابو احمد ههههههههههههههههههههههههههههههههههه …جان يقوله الدكتور انت مين قاله انا ابو احمد !!!!!؟ واحمد واقف وانا موجود  وشلتنا كلها هناك لوووووووووول جان يخبرة السالفة الدكتور ان ولدك قال جي وجي …اقولكم ضربه ضرب بالعقاااال وغسل شراااعه وتم يركض احمد في الساحه وايوه وراااه وسلخ بالعقااال لوووووووووووول

كان عندنا مدرس عنده صلعه في نص راسه كنت صف ثاني ثنوي….يوم دش الصف جافنا كلنا لابسين نظارات شمسية (طبعا ابو 5 دراهم مال السوق الجديم) …قالنا ليش لابسين نظارات !!؟ جان نقوله الشمس تعكس ع صلعتك وتعمي عيونا !!؟ هههههههه

ونفس المدرس هاك اليوم يبنا بيض …وفلعناه ع صلعته وهو عند السبورة معطينا ظهره !!؟ ههههه صفار البيض تم معلق فوق راسه هههه واسبوع ماداوم …عقب يومين زخوني انا وربيعي راشد واحد زلمه فتن علينا …خاطري اعرفه منو عسب اكفخه ….المهم ودونا عند الاخصائي ودقو ع بيت راشد ورمسو امه …قالولها ولدج فلع المدرس بالبيض …جان تقووول اقوول انا ليش البيض عندنا مستوي يخلص عندنا بسرعه !!؟هههههه

صف الثاني اعدادي …كان مدرس لغه عربية مصري شو كان يضربني ع ايدي بالخيزرانه …والله كانت تورم !!!؟ مع اني كنت شاطر وماشاغب هاك الزود عنده ….حلفت اني انتقم منه ….دخل الصف ووقف ..قال قيام …قمنا …قال السلام عليكم …قلنا وعليكم السلام ورحمة الله وبركاته …جلوس …جلسنا …قام وكتب عنوان الدرس والتاريخ جان يجلس عالكرسي ماله …ونقززززز من مكااانه قااال ااااااااي يخرب بيتك يابن الكلب هههههههههههههه تدرون ليش ؟؟ حطيتله دبوس عالكرسي لووووووووووووول …اونه بيعاقبنا وقفنا في الساحه مابيدرسنا ..ونحن هييييييييييه مستانسين …حلاته من عقاب لوووول

ويوم ثاني قلنا هذا الا ننتقم منه لانه لعوز اكثر من واحد ….وكان رمضان !!!!!!!!!!؟ دخل الصف وسوى نفس الشي قيام …السلام …جلوس …وعطانا ظهره عسب يكتب …اول ما عطانا ظهره فرينا من جميع جهات الصف كور صغيرة اتطلع دخان وريييحه كرييييييهة الي اسمه فسايه هههههه …جاف وراه جاف دخان الصف كله دخان مانروم نشوفف شي …وطبعا كنا متلثمين وجاهزين جان نقول …قنااابل قنااابل وكككل الصيف طلع وشرد من الصف لووووووووووووووووووووووووووووووول وتمينا يومين مادرسونا شي بسبب الريحه ههههه …عاد انا اوني كل مادش امثل اون يغمى عليه !!؟ اون عندي ربو ماروم اتنفس ومن هناك مايخصه ههههه …

هاي بعض السوالف ذكرتها جدام واحد من ربعي من فتره واشار علي اني احطها هني ….طبعا هل مدرسين يون نجوفهم الحين دوم نتذاكر هل مواقف وياهم ونظحك والحمدلله قلبهم كبير وسامحونا لول ….واسمحولي عالاطاله

تحياتي

Advertisements
تعليقات
  1. السلام عليكم ورحمة الله وبركاته

    اشحااالك سالم عساااكـ سالم دووم يا ربي

    احم احم هيه شكلي دوم بتم مظلومه

    الصرااااحه اللى ما عنده ذكريات بالمدرسة اعتبره ما عااااش حياته واهو صغير

    وانا كنت مثلك واخس بعد لوووووووووووووووووووول

    بس سالفتك انت واربيعك أحمد قطعتني ضحك الصرااحه تستاهل عليه 10 علامات هههههههههههههههههه

    موووضوعكـ فنتكه الصرااحه

    تسلمممم .. تقبل مروري

    مظلووومه سالم

  2. شاني! كتب:

    ههههههه ذكريات حلوة ومواقف احلى…استمتعت بقراءته…
    كل عام وانتو بخير……

  3. lil.D84 كتب:

    سالم!! هب صاحين 🙂
    أنا من صغري مستحيل وللحين اتدخل فاي موقف او مقلب او اي مشاغبه .. فحاالي

    بس سالفة النظارات ذكرتني بوحدة من ربيعاتي الله يذكرها بالخير، فالجامعه مع انها تتحجب .. يوم تعصب من الدكتور .. ترد غشاتها على ويها فنص الكلاس وتشوف اليدار .. الدكتور مسكين ينصدم مايعرف شو يسوي؟ … شكلها فظيع يظحك >___<

    وايد مواقف فالجامعه سونها البنات بس انا ما اشترك بس اشوف لوووول 🙂

    اكيد ذكريات حلوة 🙂 حسرة علي ذكرياتي كلها دراسه وبروجكتات لول

  4. 3washy كتب:

    السلام عليك ^_^..

    والله ونااااااسه سوالف ومقالب الشباب وخاصة بايام الدراسه ^_^..

    مواااااقفك موتتني من الضحك خاصه سالفه الاخصائي النفسي و الصلعة والنظارة الشمسية هههههههههههه حرام عليكم والله لوووووووووووووول بس يستاهل لووول..

    اقوووووووووووووووووول اكيد عندك موااااااقف ثانية و اكثر عن جيه فـ شو رايك تكتبلنا بين الفترة والثانية عن هالمواقف .. والله وناااسه^_*

    انا كنت وايد هادية وما عندي الا مواااقف قليلة و جدا عادية …

    مشكووور سلووم على هالبوست الاكثر من رائع ^_^

    تحياتي لك

  5. بـــو ســـالــــم كتب:

    السلام عليكم سالم الصراحه موضوع جميل بس للاسف انا ما عندي ذكريات في المدرسه لاني ما اذكر اني كنت اتواجد في الصف اصلا لوووول بس يا سالم انت قتلنا كل شي بس شو كان لقبك ايام المدرسه لازم اتخبر الناس مدامك فتحت الموضوع لانه لقب وايد حلو وما اقول الى انشاء الله الاجيال اليايه تكون اقل مشاغبه مثل جيلي انا لاني الحمد لله دايمن اعتبر المدرس اكبر قدوه لي والحمد لله ربعي كلهم مدرسين الاستاذ بسنتي والاستاذ فتحي والاستاذ عامر الحمد للهصدق المدرسين طيبين وانا يا ريت لو اني قدرت اشاغب

  6. سالم الامــارات كتب:

    مظلومة سالم

    سلام مظلومه شحالج …ماما انتي لين متى بتمين مظلووومة !!؟ زين انتي مظلومه بس سالم ليش لوووول انا شو سويت !!!؟ لووووول

    تسلميلي والله بعد شي وايد سوالف بس بحطهم عقب فترة ان شالله ….
    زين خبريني عن سوالفج الخطيرة خلينا نسمع مقالبج ومواقفج الحلوة لول

    زين سالفتي انا واحمد قطعتج من الضحك ماشالله …. شو ستويتي لحم مفروم ولا تكا !!!؟ لووووووووووووووول

    غيري الاسم ماما سويتيلي اشاعات
    تحياتي ^_^

  7. سالم الامــارات كتب:

    بيبسي ….سوري قصدي شاني لووول

    على طاري مواقف احلى …سالوا مرة بدوي …شو احلى موقف تعرضت له ..قال مواقف كارفور !!!!؟ لوووووووووووووووووووول

    وانتي بخير

  8. سالم الامــارات كتب:

    lil.D

    هذا زعل ولا دلع !!!!!!!!!!!!!!!؟ احسها تتدلع اكثر مما تزعل لول

    انا احس انتتو البنات مواقفكم ايام الجامعه اكثر من ايام المدرسة خصوصا للي سكنو في سكن الطالبات …صح لول

    زين ان الواحد يكون هادي بس بعد الاثارة والمغامرات لها طعم ثاني …نفس الاكل لازم شوية ملح وفلفل لووووووووووووووووووووووووول
    شكلج كنتي دحيحة دراسة لووووووول …يعني زلمة لول

  9. سالم الامــارات كتب:

    عواشي

    ان شالله عواش ولا يهمج بحط المواقف الثانية في بوست ثاني ان شالله بس عقب فترة …خصوصا المدرس الي كان ينادينا يامعفن ..والثاني الي ينادينا يا قزر (قذر) !!!!!!!!!؟ لووووووووووول

    مع ان انتي شكلج فوضويه ومشاكسه غريبة مالج مواقف لول

    تحياتي

  10. سالم الامــارات كتب:

    بوسالم

    هيه والله احمد صح كلامك ما كنت تتواجد في الصف انت لوووول ….اذكر احمد يوم كان صغير يانا الهندي مال البلدية …قال ولدكم مايسير المدرسة يتم يتخبى عند البالوعه مال المسيد !!؟ سرنا انا وامي وشفنا احمد يالس حذال الباالوووعه ماشالله مستمتع بالروائح والمنظر الجميييل …جااان تظربة امي ظرب لوووول وجيييت انا وكملت عليه بعد هههههههه

    ما كان عندي لقب !!!!!!!؟ مافي داعي للاشعات المغلوووطه لوووووول

    هيه نعم ماشالله عليك احترامك للمدرسين اهم شي ….نسيت يوم جبتني انا وهاني مدرستك عسب نظرب المدرس الي طردك من الصف !!!؟ ماشالله لول

    يا عيييني ….يا عيييني …استاااذ بسنتي وفتحي وناصر وعامر هذيلا اساااتذه ماشالله ….زين من اي جامعه متخرجين !!!؟ لووول
    خصوصا الاستاذ بسنتي …لقب بسنتي هل بسبب ذكاءه الخارق او اخترااعاته العريقه … ووين اصل كلمة بسنتي وشو معناها …ممكن تفيدنا اخوي العزيز …واذا ممكن نعمل مقابله مع الاخ بسنتي عالهوا لوول….والله ونعم الاساتذه يعني لو يجيبوكم انتو بس …نتقدم على اليابان في الاختراعات لول

    شو رايك احط سوالفك هني احمد !!!؟ لول

    تحياتي

  11. الحلم الوردي كتب:

    هههههههههههههههههههههههههههه

    ماشاء الله عليك ماادري انت شكلك مب شارب نيدو مرضعينك شطانة

    شسالفة الاولاد ويا البيض ماادري لوووووووووووول

    انا بالنسبة لي كنت هادية و مااحب الحشرة و المشاغبات كنت ملتزمة وااااايد و شطورة يسموني بنت الابلة ههههههههههههههه

    احلى الذكريات ذكريات الجامعة
    كانت عندنا سينما في الجامعة و كان النا صوت مسموع في الجامعة و ناس شي شي
    المهم اذكر انا مرة خلصنا شغلنا وقلنا ناخذ بريك ترفيه عن النفس اونه
    وجان انروح السينما و نحط فيلم رعب بس ما كان يزيغ وايييد

    هدوء و الكل مكانه و طلعت لقطة فيها دم وانت بكرامة و سجاجين الي لاعت جبدها و الي علقت ماعدا ربيعتي الي عدالي ما قالت شي اقول غريبة بلاها ساكتة يوم صديت الا البنت متغشية جان يشوفنها كل البنات و ضحكنا ضحك
    سالناها ليش متغشية قالت اتروع

    الحين يوم انتي تتروعين ليشخليتينا نقص لج تذكرة عيل
    هذاك اليوم تمت متغشية ساعتين الين خلص الفلم ما تعق الغشوة الا يوم يروح المشهد الي يروع لوووووول

    نتريا مقالب ومواقفك وذكررياتك الطيبة

  12. شاني كتب:

    انت ما تعرف أن فيه تنافس بين المشروبين بيبسي وشاني!! (ويه معصب)!
    ما عيبتني النكتة يلاااااااا
    بس عيبني موقف بو سالم
    ههههههههههه
    بعد هالبهذلة والذكريات المؤلمة عدال البالوعة!!!ههههههههههههههه أعتقد أن بو سالم بيحرص أن ولده يكون في أفضل مدارس العالم بعيد عن ذكريات العم قبر سينق وشلته المجرمة! نياهاهاهاها!!…
    بو سالم ما عليك من الإشعاعات وقول شو كان لقب الأستاذ يوم كان طالب!
    والله ما اقول غير الله يعين الأساتذة على هيك تلاميز…

    افففف في موقف تذكرني احين لازم اقوله لاني عادة أحاول ما أتذكر المواقف الكئيبة!! المهم….
    على ايامنا كنت هادية وطيوبة وجبانة كنت أخاف الأبلات المصريات والفلسطينيات الضخمات و خواتمن اللي انطبعت على ويهي من كثرما كنت أركز عليهم أكثر من الدرس نفسه!! وكنت اقول في نفسي عشان أتجنب شرهم لازم أكون مؤدبة وما أسوي شي يعصبهم….بس حتى الأدب ما كان يعيبهم!… لازم الواحد يشرد ويسوي حركات وأفلام هندية عشان يثبت أنه في مدرسة لوووووووول
    ومن كثر أدبي….وعيوني المدمعة والبراءة تقطر من وجهي قلت لمعلمة… أبلة أنا نسيت دفتر الفن في البيت أروح أجيبه!… وما كملت جملتي وإلا حسيت نفسي ع الأرض وأذني طننننننننننن واقول شالسالفة الفصل يدور والبنات فوق راسي جنهن نجوم الظهر!!..ومن ذاك اليوم وأنا حاقدة ع المدرسات وأكره المدرسة لاني كنت مأدبة واايد وشري مدفون قبل لا أستويييي….صاحبة وكر لتجمع الطالبات الشاردات واليائسات والحزينات وإيوائهن ههههه … ومكان الوكر طبعا كان تحت الكرافان (الفصل الخشبي) نتجمع ونطلع حرتنا في الأكل والآيس كريم اللي كنا نكلف وحدة طويلة تجيبه من فوق سور المدرسة وتنادي على الهندي.. وناسة والله أيس كريم في مدرسة!!.. كنا صغار مثل القطاوة نقدر ندش تحت الفصول بس ما نوقف طبعا كله زحف ع الأرض ومن بعده جلوس غير معتدل وغير صحي ههههه ونطلع وظهورنا متعورة!!…طبعا كل هالمغامرة ما تصير إلا بعد الحصة الثالثة لانه فسسسسسسسسسحة لووووووووووووووووووووول
    بس الحمدالله… لو سألتوني لو رسبت ولا نجحت….أكيد بكل فخر أقول اني نجحت وكنت من الأوائل! أحم بس مب في مدرسة… في الكلية!! يمكن لانه نظامهم كان افضل من نظام المدارس !..

    شانيييييييييييييييييييييييييييييييييييييييييي..يعني ذكية! (ويه بو أسنان)!! لوول

  13. سالم الامــارات كتب:

    الحلم الوردي

    اصلا انا مارضعوني حليب وانا صغير؟؟؟؟ على طول جاي سليماني لول

    انتي بنت الابله !!!؟ لايكون الوالده معلمه فتكات بنت كايدااهم لوووووول اوليلي ولا مش حااخروووج لووووووول

    انا سوالف الكليه ومقالبها هاي قصه ثانية وحتى اني فكرت اذا اكتبها ولا لا بس بعدني ما قررت لول

    يعني انتي زعلتي ع فلوس التذكرة مال السينما !!!!؟ شو هل زط لووووووووووووول انتي من زماان بخيله ولا شو !!؟ لووووول

    انا اذكر ان انا واخوي بوسالم وعيال خالتي كنا ممنوعين من دخول السينما في ابوظبي !!!!!؟ من كثر الازعاج الي كنا نسويه لول مره سرنا نجوف فلم ومسوين ازعاج شوي ،،،، وحده جدامنا يالسه سارت واشتكت علينا !!؟ يوم ردت يلست،،، ماجوف ولد خالتي عبدالعزيز الا وخذا ورقه ولفلفها,,,, وطااااخ ع راسها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟ والله لين اليوم ما انسا هل موقف لول بس احسن عسب ماتعيدها لول

    لا ولا بو سالم سار السينما مره ويا ربعه جاف هندي من هذيلا قوم السلاسل والخواتم ،،، ماعيبه شكله مادري ليش ؟؟ ساااار وطاااخ صفعه !!!!!!؟ ليش زين ليييش!!!!؟ شو ذنبه الهندي ؟؟ مايكشخ لوووول يا ريت لو يجاوبنابوسالم عن السبب؟؟

    وبعد في سوالف وايد في السينما بس مابخلص اذا تميت اعددهم لول

    تسلمين ليلام سوري قصدي حلم ع وجودج الجدا لطيف والله ولا تحرمينا من شوفتج

    سي يا

  14. سالم الامــارات كتب:

    شاني

    اتوقع ان بوسالم كان يحب يتبخر ويتعطر منذ نعومة اظفااره !!!؟ لول حتى لين الحين ماشالله البخور دايما وياه !!!!!؟ لول
    وانتي شو تبين في لقبي ترى انا اذا بديت اتحنحن بحنحن الي مايتحنحن ،،، لووووووووووووووووووووووووول

    انتو صفوفكم كانت كرفانات !!؟ شو انتو طلاب ولا فييرااان !!!؟ شو هاه لوووول

    بس حلوة ذكرياتكم ،،، انتو البنات طيووووبات مب مشاغبات حدها مشاغبتكم تلبسون شيله ممنوعه ولا تغيبون عن المدرسة !!؟ مادري هاي مشاغبه ولا قلت ادب !!!!!؟ لوووول

    بوسالم كان مسوي زوبعة في المدرسة !!! لدرجة ان واحد من المدرسين ترجاه ان مايكمل دراسته ويسير يشتغل بس ماشالله عليه اخوي رباه احسن تربية وخلا هذاك المدرس يستقيل !!!؟ لووووووووووووووووول

    تسلميلي شاني ع مرورج ولاتردي تقطعينا تراج من مؤسسي هل مدونه ووجودج مهم

    تحياتي

  15. خخخخخخخخخخخخخخخخخخخ
    اهم شي الصلعه والنظارات ,,, مت ضحك

    انا هاااااديه وماينسمع لي حس وماعندي ذكريات ايام المدرسه 😦

    بس استمتعت هنا 🙂

  16. سالم الامــارات كتب:

    الوان رمادية

    شرفتينا اختي بزيارتج لمدونتنا ونورتيها،،، يمكن تكونين هادية وماينسمعلج حس بس اتمنى نسمعلج وانحس بوجودج هني ،،،واذا عاشرتينا بتستوين شراتنا لول

    اسمج ذكرني بمسرحية عادل اما يوم يقول يابيض ياسود ،، اللون الرمادي ماحبوووش لول

    حاولت ازور مدونتج بس ماتبطل
    تحياتي

  17. بـــو ســـالــــم كتب:

    انا الصراحه ابي اقولكم لقب سالم ماشالله عليه كانو يلقبونه بالزعيم لانه كان قائد العصابات والبطولات
    ودايما كان مثلي الاعلى الي اتمنى اني اقتدي فيه

    الله يخليك لنا يا سالم واتم مثلنا الاعلى دائما

  18. مفنوده كتب:

    ههههههههههههههههههههههههههه الله يخس ابليسك شمسوي انت !! .. والله ضحكتني من قلب // هذا ربيعك اللي يقول عن سالفة زوج امه .. اختي مره قالت نففففس السالفه لانها كانت تقلد صوت البقره والمس كشفتها >.< .. كشفتها بعد شهر كامل من التعذيب .. وطرشنالهم خالي مسوي فيها ابوها وهو بالعشرينات

    فعلا ذكريات .. بس انت لو تحط نفسك مكان المدرس بتتحسف << والله ولا مفتكرين حتى

  19. شاني كتب:

    ههههههههههههههههههه….. الله يعينك يا بو سالم على الاونكل سالم.. يعني انت كان ناقصنك سالم واحد عشان تختار بعد سالم 2 !…بس وين البراءة عن الشناعة هيهيهيهيه!!..أكيد في فرق لووول

    بعد سالفة إستقالة المدرس المينون (أكيد ين قبل الإستقالة واضح) ما عندي أدنى شك بأن الأستاذ سالم كان قدوة بو سالم هيهيهيهيهيه

    نحن هيه يحليلاتنا…اقول على أيامنا كنا وايد بريئات والله حتى المخالفات ما كنا نخالفها من كثر ما كنا نخاف من أشكال المدرسات الوحشة ومساطرهن نحن حدنا بس كنا يا نصيح أو نرسب إحم…. بس لو قارنت جيل اليوم من البنات بشلل الأولاد ايامكم والحركات اللي كنتو تسوونها مع الاساتذة والله انكم بتطلعون أبرياء هههههههههههه….. بنات الكلية والجامعة وحتى الإبتدائية والإعدادية اليوم ما سلمو من الحركات القرعة…… :(….

    على طاري الكلية.. يلا باركولي …انا تخلصت من التقنية كطالبة و كموظفة بعد الحمدالله!!!…. وانتقلت لمكان أفضل بكثير الحمدالله وبراتب… احم احم ……
    بس اول ما انتقلت تذكرت ناس قالولي أنه تخصصي ماله مستقبل أحم أحم…

    بعدين تعال من الفاار؟؟.. أنا مب فاااارة لاني ما اقرض حد انزييييييييييييين !!! لوووووووووووووول

    خلاص انا مب من مؤسسي المدونة هذه… انا كنت من مؤسسي المدونة السابقة اللي موتوها…. يلااااااااااااا (ويه معصب)

    سسسسسسسسلام.

  20. سالم الامــارات كتب:

    بوسالم

    تسلملي اخوي افا عليك وانا دائما بتحصلني ذخر لك في السراء والضراء وشكرا ذكرك لقبي الي انا ماحب اذكره جدام حد عن يقولون عني خقاق تدري انت عاد لووووووووووووووووووووووووووووووووول

  21. سالم الامــارات كتب:

    المفنوده

    ع طاري صوت البقرة

    نحن كنا موزعين الاصوات
    صوت الحيوانات نفس البقر والعنز والكلاب والقطاوة

    وموزعين المهام بعد الرئيس ونائب الرئيس ووزير المالية ووزير الدفاع !!!؟ ااااه والله ذكريات ،،،،

    تسلميلي اختي ع مرورج في مدونتي بس لا تقطعينا عاد

    تحياتي

  22. سالم الامــارات كتب:

    شاني

    مبروك الوظيفه والله يعطيج من خيرها ويكفيج شرها ويبارك لج فيها ان شالله

  23. Sn3a كتب:

    امبيه مت من الضحك
    بدعتووووو
    صج بدعتوووو

    النظارات الشمسيه
    البيض
    الطبيب النفسي
    الابر والقنابل

    لووووووووووووووووووووووووووووووووول
    لازم اسيف هالبوست عندي كل ما يضيق خلقي اقراه

  24. lOsT كتب:

    @@ لول شغبكم الصراحه غير طبيعي إجرام !! =/

    مادري كيف صبرو عليكم المدرسه !! .. نحن اذا شاغبنا على طول فصل .. واذا سوينا مثلكم عادي يفصلونه من كل المدارس الحكوميه !

    شكرا على المواقف المضحكه =)

    تقبل مروري

  25. lil.D84 كتب:

    والله يا سالم هو هب زعل ولا دلع … بس لان الاستاذ كان يعصب يوم هيه تسوي جيه ولا يروم يسوي شي والكلاس كله يضحك وهو مقهور .. شو بيقولها مثلا لا تتغشين؟ لووول

    وحده بعد مره لصقت على سيارة دكتور من الدكاترة ورقة وكاتبه عليها (للبيع) وحاطة رقم الكفتيريا، وهالدكتور معروف بعصبيته .. وجيه له هيبه .. جان يدق الكفتيريا ويظارب معاهم ليش تقولون سيارتي للبيع عقب عرف انه مقلب .. وخبرته البنت انها هيه سوت فيه المقلب لووول قعد يضحك

    أما عني … هيه كان ما يخصني بشي ادرس بس لوول قول ماشاء الله >_<

  26. lil.D84 كتب:

    شاني .. لووووول حشى هب معلمه هاي … عتوقه تو باك ام الكف الفتاك >___< مادري جان كتبتها صح

  27. مهرة كتب:

    السلام عليكم ورحمة الله وبركاته

    ما شاء الله ع المواقف .. ذكرني هل موقف بنفسي (( تدرون ليش ؟؟ حطيتله دبوس عالكرسي لووووووووووووول ))

    سويت هذي الحركه حق وحدة من المدرسات
    الأنها كانت تكتبنا الدرس أكثر من خمسين مرة … وما شاء الله الدرس يكون اكثر من صفحه ( مادة العربي )

    وثالث ثانوي وقفونا ساعة كامله في الشمس انا وكلاسي
    علشان كان آخر كلاس عندنا فراغ … وانا وربيعاتي وبعض من البنات طلعنا برا الكلاس ولفينا ع الفصول سوينا مشاغبه حقهم ونغايضهم ان نحن ما عندنا كلاس
    وكنا نتمشي في الساحه وندلع ههههههههه

    شافتنا الوكيله ويوم شفناها ما شافت غير غبارنا
    دشيت علينا والكل قال لها ماطلعنا من الكلاس .. قالت عيل منوه مسوي هل حشرة كلها خخخخخخخخخ ماعليه باجر في الطابور بتشوفن شو بنسوي لكم

    ينا من باجر ونحن فرحانات علشان بعاقبونا ههههه يعني مستعدين للعقااب

    خلصت الإذاعة وإلا ينادون صف ثالث إعدادي ج خليكم لا تروحون الكلاس وبتم معاقبتكم بسبب الفوضي للي سويتوها امس ههههه

    يافرحتنا كلاس الإنجليزي ما بنحضرة …. يتنا مدرسة الإنجليزي تقول لنا شو سويتوا

    نقول لها بكل براءة نحن ما سوينا شي 🙂

    والمديرة تتحسب انها عاقبتنا وهيه ماتت غيض ههه

    الذكريات كثيرة وان قلتها شكلي بفتح موضوع خخخخخ

    ماشي أحلي من ذكريات المدرسة .. مع اني كنت مشاغبة إلا أني محبوبة عند كل المدرسات ولله الحمد 🙂

    لين الحين أصيح المدرسة ودي يرجه زمان اول 😦

    سالم الإمارات مواقفك جداً حلوة بس والله حرام تسوي جذيه بالمدرس تعقول عليه بيض خخخخخ الحين البيض غالي ماكنتوا تعرفون قيمته ههههه

  28. ||اسمج ذكرني بمسرحية عادل اما يوم يقول يابيض ياسود ،، اللون الرمادي ماحبوووش لول ||

    خخخخخخخخخخخ من جد تحطيم :\
    ودي اشوف المقطع مره ثانيه 🙂

    غريبه مدونتي مافتحت !
    http://www.ramadeah.wordpress.com

    ان شاء الله تحب الرمادي اذا فتحت لووووووول

  29. هلووو سالم .. بخير ربي يعافيك

    شو اسوى انكتب اتم مظلومة هع ..انت تعرف ليش سالم ؟؟

    ومن عيوني بغير الاسم وبشيل سالم وبتم مظلومة؟؟

    زين اتجي

    اقووووووووووووووووولك لا صرت لحم مفروم ولا تكا صرت ديايه مشويه لوووول\\

    افا عليكـ بخبرك مره الله يسلمك كانت علينا حصة الرياضيات وكانت الأبله ثقيلة دم حتى الضحكه ما نشوفها ومره دخلت الصف وحطت دوبها ودوبي وكل ما اتشوفني تهزبتني خخخ يمكن شايفتني بالحلم باليوم الثاني حلفت اسوى لها شي واتفقت مع اربيعتي باليوم الثاني اني انتقم منها وانيب صابون لوكس مال المواعين ووقمت وحطيت ماي وي صابون وخلطته وصبيته عند الباب (( وطبعا كثرت صابون هع لظمان النجاح) المهم

    وأول ما دشت الأبله الموقره الصف ما نشوف اللى تتزحلق واتطيح على ظهرها وتصارخ وما رامت اتقوم وانا واربيعتي ميتين من الضحك قاموا البنات خبروه الاداره انه في أبلة طاحت بالصف وشلوها ودودها المستشفي وعقب خبرونا ان ريلها انكسرت وغابت اسبوووع ونحن الحواطه بالمدرسة محد شراتها لوووووووووووووول

    أزيدكـ ولا يكفيك هالمواقف

  30. سالم الامــارات كتب:

    san3a

    تسلميلي اختي وزين ان تدوينيتي يابت الفرحه والبسمه لج ولاصدقاءنا هني

    وشرف لي ان تدوينتي تكون مرجع لج عسب تضحكين لوووول

    جعل ربي ايامج كلها وناسة وضحك

    تحياتي

  31. سالم الامــارات كتب:

    lost

    قتلج ماكانو يرومون يطردونا لاننا اصلا كنا شطار وعلاماتنا فوق ونسبنا في الثمانينات والتسعينات يعني صعبه لول
    انتو البنات مساكين لازم بيفصلونكم ،،، نحن لو فصلو حد ثاني يوم الوكيل ولا المدير ولا المدري ينضرب عند الباصااات !!!!؟ جد هذا الي كان يصير لول

    تحياتي

  32. سالم الامــارات كتب:

    lil.D

    وحليلكم والله مقالب دلع بعد ونظيفه !!!! مافيها بيض ولا طماط ولا جوووتي لوووووول
    المشكله تدرين وين !!!؟ ان اثنين من ربعي استوو مدرسين وفي نفس المدرسة بعد !!!!؟ يوم نتقابل يقولولي ندعي من ربنا ان مايبتلينا عاللي سويناه زمان في مدرسينا !!؟ لووووووووووووووووووول

    الله يحفظهم مدرسينا ويطول باعمارهم علمونا وربونا وتعلمنا منهم اشياء وايد

    تسلميلي اختي عتوووووووقه لول

  33. سالم الامــارات كتب:

    مهره

    ع طاري الدبوس !!!! مرة واحد حطيناله دبوس واحد!!!! بس ماشي احساس !! استغربنا !!! ثاني يومين دبوسين !! ماشي فايده !!!!!؟ اليوم الثالث ثلا دباببيس !!! ماشي فايده ولا كان في شي !!!!!!!! ضربنا مسمار من تحت الكرسي !!!!!!!!!!!!!!!!!!!!!!!! بعد ماشي فايده !!!.
    كنت مستغرب هذا يلبس حفاظه ولا شو ! لين اليوم ما حصلت جوااااب لول

    و ع طاري البيض لو كنا نعرف قيمته ايامها كان حافظنا عليهم وما فريناهم لول

    تسلميلي مهره المشاغبة ولا تقطعينا وايد

    تحياتي

  34. سالم الامــارات كتب:

    الوان رمادية

    جزاج الله خير الحمدلله زرت مدونتج وراح تكونلي مشاركه جريبة اختي وياج

    تحياتي

  35. سالم الامــارات كتب:

    مظلومة سالم

    حراااام عليكم!!! يابوي انتو مب مشاغبات انتو سفاااحاات !!!! وديتوها المستشفى !! هاي مقلب ثاني تسير المقبرة على طووول لوووووول

    تسلميلي اختي وربي يحفظج ان شالله

  36. DUBAI كتب:

    LOOOOOL

    أنا قبل كنت شاكة على سالفة المخ و الدكتور النفسي أثبت ذلك !!

    خخخخخ

    مواقف مدرسية حلوة .. أكيد لها أثر في القلب : ) !!

  37. سالم الامــارات كتب:

    DUBAI

    ههههههههههه معليه يا دبي حسابج عسير بعدين واتحملي الي بيييج

    تاثيرها في القلب والحياه يا دبي لول

    تحياتي يالمختفيه

  38. مهرة كتب:

    بخصوص الدبوس مي تو ما كان له فايدة ولا كأن في الكرسي شي موجود
    كنت مستغربه واقول هاي ليش ما قامت من الكرسي ؟!!!

    أكيد الغلط مب منا .. اكيد من الدبوس هههههههههه

    🙂

  39. موني كتب:

    مرحبااا

    هاي اول مرة اشاارك بالمدونه

    بس صج اجراااام وين تبووون الحين تفر عالمدرس بيض وتحطله دباابيس ويابولكم اطباء نفسيين شو بقيتوا

    جان يحطووكم بمستشفى الميانيين مرة وحده .. بس بصراحه لقبك خباال انا من يوومي يسموووني الشر

    ليش بخبركم

    طال عمرك انا اكثر وحده مشاغبه بالصف من اياام الثانويه لين الحين وطبعا مافي حد ما يعرفني ويعرف مشااغبااني فدييتني لووول

    بس ما وصلت للاجرام اللي وصلتووه حدي حدي اخرب الكلاااس وشردااات لوووول

    كل المدرساات يينووا من خبااالي حتى شي مدرسه طلعلها السكري لووووول

    تقبلووني عضوة من بينكم

    اختكم

    موني

  40. a553 كتب:

    السلام عليكم ورحمة الله وبركاته

    بابا كنت ادري انك مشاغب وشيطان ايام الدراسه بس الصراحه صدمتني ما توقعت انك جي …هههههههههههههههههههههه صدق المدرس ما كانت يستاهل عاد بيض مره وحده
    زين انه الريال ما انتحر من الزفر وحليله
    الحمدلله ما كنت مشاغبه ابد بس صدقك ايام الدراسه ما تتنسى مول بالاخص الثانويه

    اول مره ارد عليك في المدونه…..

    تيك كير

  41. حلوووووووووووة البنات كتب:

    السلام عليكم مشاغب رقم واحد ؟؟؟ بس ما حددت اي نوع من المشاغبه وله انت متخصص في كل الانواع. بعدين انا مستغربه كيف شاطر ومشاغب ما تركب؟
    غريبه ؟؟؟؟؟؟؟؟؟؟؟؟؟؟؟ بعدين من اسلوبك في الكتابه في المدونه السابقه طبعا وهذي النسخه الثانيه ما يبين انك كنت شاطر في الدراسه.
    الا اذا كنت شاطر في الرسم والموسيقه يمكن هذا الشي ما بجادلك فيه.
    الموظوع عباررررررررره عن مضيعة لوقت القارى نصيحه اكتب عن اشياء مهمه اقدر اناقشه معاك ونستفيد منها كلنا وشكرا وننتظر مواضيع افضل .
    لا تتظايق من ردي بس الي ما ينتقدك يكون يجاملك.

  42. سالم الامــارات كتب:

    مهره

    فوضويه فوضويه لووووول

  43. سالم الامــارات كتب:

    موني

    يسمونج الشر !!!! انتي شكلج عتووووقه تووووباق لوووووول

    يا حياج الله اختي موني بينا واتشرفينا بتواجدج ومشاركاتج ان شالله

    تدرين اسمج بشو ذكرني ؟؟؟

    زمان كانو يجيبون دعاية بامبرز في التلفزيووون ..موني موني نايس نايس لول ماظني لحقتي على هاك العصر الحجري

    تسلميلي

  44. سالم الامــارات كتب:

    a553

    من وين تعرفين اذا انا ماعرفج اصلا !!!!!!!!!!!!!!!!!!!!؟ لول

    وتسلميلي ع ردج الاول والي اتمنى انه يتكررر وايد مع اني ما عرفت معنى اسمج صراحه لول
    بس جد شرفتينا وان شالله عقب بكتب عن مقالب الكليه لوووول وبعدها مقالب الشغل !!!!!!!!!!!!!!!!!!!؟ لول

    تيك كير تو

  45. أيآآآآآآآآآآآآآآآآآآآآم الدارس بإختصآآآآآآآآآآآآآآآآآآر

    فلللللللللللللللللللللللللللللللللللللللللللللللللللله

    وش رايكم في كلامي مو صح فللللللللللللللللللللللله أيام المدارس

    والله فللللللللللللللللللللللله بس صح إذا شانة شانة بالمدرسين إلي مو مع الطالب

  46. سالم الامــارات كتب:

    حلوووة البنات

    شو هاي مشاغبة ولا وجبة !!!؟ شو انواع مشاغبات ووجبااات !!! انتي يوعانه شكلج …سيري كليليج شي احسلج لول
    وبعدين شو دخل الشطارة في المشاغبه !!؟ مايخصه …بس سؤالج مبين مدى شطارتج لووووول

    وفعلا كنت شاطر في الرسم والموسيقى بعد لول …. تحبين ارسمج …بسويج ولا حتى الموناليزا لول

    يعني بين العالم هاي كلها انتي الوحييييده الي ماعيبج الموضوع !! مب مشكلة ترى لكل قاعده شواذ لول
    بس انا احترم وجهة نظرج اختي ولو تقرين تدويناتي بتشوفين اني احاول انوع في مواضيعي من امور اجتماعية ورياضية وثقافيه ودينية وحتى فكاهية وما امر به من مواقف وسفرات يعني انوع ….ماقدر اتم متمسك بنمط واحد
    وبعدين انا اكتب مايجول بخاطري ….يعني من تدويناتي ترومين تعرفين نفسيتي والفترة الي امر فيها

    وجودج مهم يا اختي وانا احترم وجهة نظرج بس ان شالله ع جدام بتعيبج مواضيعي

    تسلميلي

  47. سالم الامــارات كتب:

    ناصر القنيعر

    عيبتني تركيزك ع كلمة فلللللللللللللله …مع اني مافهمت الشطر الثاني (شانه شانه) بس اكيد شي زين يالغالي
    وحياك الله عندنا ومرورك اسعدنا

    تحياتي

  48. موني كتب:

    الله يسامحك يا ساااالم اهئ اهئ اهئ

    الحين تشبه اسميه بدعايه باامبرز اهئ اهئ اهئ

    عالعمووووم ثاانكس ^_^

  49. هههههههههه

    مواقف حلوة ……..

    بس سالفة البيض ماعيبتني ………. 🙂

    عذروك وسامحوك لانك شاطر …….. ولا والله لو كنت غبي وبليد مابيذكرونك الا بالشر …….

    🙂

    أيام الدراسة ذكرياتها حلوة وماتنسى مووووووووووول
    ——–

    كان عمي يروح الطابق الثاني فالمدرسة ويفر اكياس ماي حار ع روس الاساتذه ويندس…….

    وكان يحشن ثلاجة البيبسي بالجرايد ……….

    وفنفس الوقت كان شاااااااااااطر ………

    اما عني انا ……

    كنت شاطرة واشاغب عاد مشاغبة بنات ………..

    شوية عناد وشردات من الصف لا اكثر…….. هيه صح والطابور طابتنه خير شر ما احضر…..

  50. هههههههههههه

    اما سالفه الطبيب النفسي شيييي

    والله استمعت وانا اقرأ هالذكرياات وترحمتـ ع ذكريات المدرسه ’’’

    دمتـ بود

  51. سالم الامــارات كتب:

    موني

    لا والله ماقصدي بس اسولف لول

  52. سالم الامــارات كتب:

    ابنة الاسلام

    ليش ماعيبتج سالفة البيض !!!! عيل لو قتلج سالفة الطماط شو بتسوين !!!!!!!!!!!!!!!!!؟ لووووووووووووووووووووووووووول

    وحليله عمج مشاغبته ناعمه لطيفه …..
    تذكرت سالفة ….مدرس الرياضيات في صف ثالث اعدادي رسبني في الامتحان …..انقهرت …شو سويت !!!؟
    فشيت تواير سيارته كلها !!!!!!!!!!!؟ هههههههههههه ونحن سايرين البيت شفته واقف عدال سيارته ويطاله الباصات …اكيد يقول في قلبه منو هل جبان الي سوا جي ومصخرني ههههههه لول

    المهم انتي تطلعين يوم وتختفين سنه …
    سي يو ابله

  53. سالم الامــارات كتب:

    بنت الشيوخ

    انا يالس افكر اكتب تدوينه ثانية عن ذكريات ايام الجامعه …وبعد ذكريات ومواقف الوظيفة !!!؟ يعني السوالف الي سويتها وانا اشتغل !!!!!!!!!!!!!!!!!!!!؟ لايكون عبالكم اني هديت عقب ما كبرت !!!!!؟ لول
    انا هديت بس لازم يتم شي من الماضي شوي …لووول

    تسلميلي يا شيختنا ع مرورج وماقصرتي بتواجدج ومشاركتج وربي يحفظج ان شالله يا رب

    تيك كير

  54. ههههههههههـ يعني للحين انت مشاكس بس أهدأ ـ

    ننتظر تدوينتك القادمهـ ,,,

    ربي يحفظك

    ^ـــــ^

  55. سالم الامــارات كتب:

    بنت الشيوخ

    ان شالله جريب اختي بتقرينها

  56. Om Hrooby كتب:

    هيه والله أنا أتحسف على كل لحظة ما شاغبت فيها بالمدرسة ..والله جوها غيييييييير …وناااسه ..ذاك اليوم أقول لأخوي ياليتني جربت الشردة أيام المدرسة ..كنت خوافة مادري ليش …حلوه الذكريات ..لي فترات شاغبت فيها ..أذكر مرة كنا حاطين ماي الشمع على كرسي المعلمة ..جان تخيس عباتها خخخخخ
    ومرة شلعنها جامة الصف ونحن نلعب ..ومرة يبت عطر بصل وثوم سوا أزمة بالمدرسة كلها ..حلاتها المدرسه

    موضوع فنتك …ضحكتني سالفة النظارات وصلعة الاستاذ ..

    لك أطيب تحية ..