الزحمة مع الناس عيد

Posted: 24 سبتمبر 2008 in مشاكل تحتاج حلول
الوسوم:

                       

 

سمعتوا المثل إلي يقول العقل نعمه !!؟ سمعتوا عن شي اسمه جشع !!؟ وشي اسمه جنون المال!!؟ كل هل مواصفات وما يتبعها من تبعات تنطبق علينا نحن!!؟

 

قبل سنه وسنتين جفنا كيف أن الناس كلها اتجهت الي سوق الأسهم والبورصة وبشكل جنوني … في سبيل كسب المال وحلم الغنى … طبعا جفنا وسمعنا عن الخسائر الي صارت وناس اغمي عليها وحد باع بيته والي جدامه والي وراه بس عسب الأسهم !!؟

 طبعا للأسف الناس دخلت الأسهم من دون ماتفكر عما هو حلال ام حرام؟؟ يعني يشترون الأسهم ويبيعون حتى مايعرفون إذا في فتوى حول أسهم هذه الشركة بجواز شرائها والمداولة فيها !!؟ يعني ما عاد في خوف من مسالة الحلال او الحرام !!؟ فقط  طمع وجشع وحب للمال !؟ كيف بتغنون وانتو ما تتقون ربكم وتتحرون الحلال من الحرام !!؟ ما سمعتو الايه الي ربنا يقول فيها

 

( وَمَنْ يَتَّقِ اللَّهَ يَجْعَلْ لَهُ مَخْرَجاً * وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً)
قلنا خلاص الناس تعلمت وخذت درس من الي صار واستوى …. تبعها موضوع المحافظ الاستثمارية !!؟ ما بقى بيت ما دخل في هل محافظ … من غير مايعرفون او يسالون وين هل فلوس راح تستثمر !!؟ هل في مشاريع محرمه مثل فنادق وبارات هل في ابراج !!؟ محد سال بس همهم النسبة الي بيحصلونها شهريا !!؟ونسوا ان ربنا راح يسالنا عن كل درهم من وين يبناه وفي شو صرفناه !!!؟

وكالعادة طاحت على روسهم وتبخرت فلوسهم !!!؟ واعتقد كلكم عارفين شو صار في المحافظ الاستثمارية …

 المشكلة في ناس كنت انصحهم اقولهم حرااام مايجووز …مايصير …ماتعرفون فلوسكم وين تسير …اتقو الله …الجواب الي كنت احصله …عادي كل الناس تسوي جي … اهم شي نحصل فلوس …. طز في الحرااام !!؟ وهاي ااخر جملة وايد سمعتها …صج تعور القلب …وطبيعي اذا انتو مافكرتو في ربكم …فلا تتوقعون ان ربكم بيحفظكم …بالعكس بتطيحون في شر اعمالكم وهذا الي صار …

 هذا وحكومتنا طول اعمارنا ماقصرت ويانا في شي …في التعليم والسكن والخير …كيف لو كنا محرومين شو كنا بنسوي !!؟

نصيحتي للكل …. فكروا من وين اتييبون الفلوس …فكروا وين تحطون فلوسكم …واتاكدوا ان مال الحرام مايدوم …ومافيه بركه … وفي النهاية بيطلع في حد من عيالكم والله بيبتليكم ببلاء يمكن ماترومين عليه.

 الفلوس وصخ الدنيا …نبيع دنيانا واخرتنا عسب كمن فلس ومليون فالمائة بتطير عنا ؟؟ شو الفايده …

 اذا حد طاح في حفرة مانطيح وراه …الرسول صلى الله عليه وسلم قال ” اعقلها ثم توكل”

 وفي النهاية اقول لازم انراجع نفسنا في المثل الي يقول …الزحمه مع الناس عيد!؟

 تحياتي

 

 

 

 

 

 

Advertisements
تعليقات
  1. lil.D كتب:

    المشكلة يا خوي يوم يكون في شخص مب عارف هذا حلال ولا حرام، ويروح على ويهه ويسأل رجل دين، ويقوم رجل الدين هذا ويحلل له ويسهل له الموضوع، هنيه المشكلة لانه هالشخص يقوم يخبر اللي معاه انه هذا الشي عادي، واذا قلت لهم ما يجوز يا عيال الحلال؟ يقولون لا والله تخبرنا مطوع، او اتصلنا مادري وين …

    يالله بس يبعدنا عن الحرام بكل انواعه … اللهم لا تجعل الدنيا أكبر همنا

  2. 3washy كتب:

    السلام عليك اخويه سويلم خخخ..

    اولا اخويه بسألك سؤال امنوا ما يبي يستوي غني و امنوا مايبي وضعه و حياته تتغير !!

    الناس ادور ا اي طريقة عسب اتحسن وضعها المادي عن طريق الاسهم و المحافظ المالية و الصكوك الوطنية … اغلبيتهم و مثل ما تفضلت ما يسئلون وين راح يشغلون بيزاتهم و هل هالطريقة حلال ام حرام !!

    المهم عندهم انهم يزيدون بيزاتهم .. تعرف السبب يرجع لشو ؟؟ طبعا لضعف الوازع الديني لديهم او لقلة فقهم في الدين .. عبالهم كل شي حلال .. و اغلبهم بعد من الاساس مايسئلون عسب اونه تكون على ذمة اللي بيشغل البيزات ..

    والصراحة اخوي اللي حوالي والحمدلله من النوع اللي وايد يشددون في هالحلال والحرام يعني مايتعاملون بالاسهم ولا يكتتبون الا يوم اتكون عندهم خلفية تامة عن نوع الاستثمار …

    و انا مو مع اللي يرهن بيته و حلاله ويقترض من البنك عشان يدخل في الاسهم او المحافظ المالية .. لانه ما يضمن الربح ولا الخسارة ..و بالتالي راح يخسر حياته اذا لا سمح الله صار شي ما يتوقعه وهو نزول الاسهم..

    وفي النهاية اقول انا مع الاسهم في حالة الدخول بمبلغ معقول مع التأكد من نوعية الاستثمار فيها ..اما المحافظ المالية ف بالمرة ما دشت راسي ..

    اشكرك اخويه سالم على هالموضوع و التنبيه ..جلعه ربي في ميزان حسناتك ..

    (( اللهم اكفني بحلالك عن حرامك واغنني بفضلك عمن سواك ))..

    والسموحة ^_^

  3. KaikA-MGroMa كتب:

    حشرٍ مع الناس عيد

    تجري الرياح بما لاتشتهي السفن

    ليس كل ما يتمناه المرء يدركه :\

    كل هالحكم طرت علي لما قريت كلامك

    مادري عاد صح بمكانها ولا لأ

    بس الاكيد انه اي

    D=.

  4. Ward JoOrY كتب:

    oOOoPs salo0m .. el7mdellah 3al salamah

    hmmm ebn adam mayemla 3enah ‘3air eltrab … o rabe a3ref nas allah men3em 3lehom bas ba3ad ymoootooon 3alfloos allah ye3afena .. yallah salo0m

    see ya soon dabdoob ^_^

  5. سالم الامــارات كتب:

    lil.D

    صح كلامج اختي ، والله اخاف ان تيجي فترة نكون ناخذ من الدين الي نباه وانخلي الي مانباه ، الناس متساهلين في مسالة التحري عن الحلال والحرام

    بعدين يوم ربي يبتليهم بالبلاء يستغربون ؟؟؟؟ واتزيد عليهم الهموم يتعجبون؟؟؟ وينسون او يتناسون الاسباب !!؟

    والمطاوعه الي يسالوهم يكون البنغالي الامام مال المسجد او واحد مصري بياع كلام لا يخصهم في العقيدة ولا الفقه ولا الشريعه وغير مخول لهم بالافتاء

    افضل طريقة للافتاء في اي امور عندنا هي ان الدوله جزاها اللع الف خير مخصصة رقم مجاني للفتوى، نقدر نتصلهم وناخذ منهم الفتوى والراي في الشي الي نتحراه

    والله يسهل ويهدي الجميع، ولج مني كل التحية ع مشاركتج

  6. سالم الامــارات كتب:

    عواشي

    اتفق وياج عواش ضعف الوازع الديني والفقه في الدين هي احد الاسباب الرئيسية من دون شك، بس ليش جي ؟؟؟؟ لهل درجه استوينا نحب الفلوووس؟؟

    انا اعرف ناس باعو انفسهم عسب الفلوووس؟؟؟ بيقولون الفقر؟؟ محد فقير في الامارات ربي ساترها على الجميع بس الجشع من اهم الاسباب

    والحمدلله ان انتي اهلج من النوع الي يحاتي هل مسائل ، العوووق في الي مايفكر الا في الفلوس حتى لو كان ع حسابه وحساب عياله !!؟

    تسلميلي عواش وربي يحفظج من كل شر

  7. سالم الامــارات كتب:

    كيكة مقرومه

    ماشالله ماشالله شو هل امثال الشعبية ؟؟ شو برنامج شعر القبائل ولا شو لوووووول؟؟؟

    والله دام انج قلتي هل امثال اكيييد راح يكون لهم علاقة من دون شك لوووووول

    بس لو سمحتي عندج ماربيل كيك!!؟ خاطري والله يوعان لول

    تيك كير

  8. سالم الامــارات كتب:

    Ward Joory

    سلام ورد شحالج وشخبارج ، انتي بعدج ورد جوري ماستويتي فل ولا ياسمين لووووووول

    وبعدين ليش كلمة دبدووووب ممكن اعرف؟؟؟؟ لوول
    لاتخليني اعصب واحط الصورة الحين لووووووووووووووووووووووول

    شخبار البلياردو لووول من شهووووووووووووووووووووور ما دشيته

    سي يا

  9. WarD JoOrY كتب:

    وعليك السلام سلو9وم .. انا بخير وسهاله وانت اشحالك؟؟ واشحال القمرتين؟؟

    لا بعدني ورد جوري هع

    وكلمة دبدوب لانك دبدووووب ويوم بتخس عقب بقولك سلوم حاف بدون دبدووب لوووولز

    وانا بعد من زمان مادخلته بس الله يرحم ايام 0-8 ككككككككككك

    سي يا دبدووب P=

  10. سالم الامــارات كتب:

    ward joory

    هيه والله الله يرحم ايام زمان يوم ناس كانو يتهزؤوون بالثمانية ويترجون ان انخليهم يدخلون اقوال …وكانوا يتهزؤوون ويتقطعوون …ويسيررون عالعام يقولون اونهم فازو الله يرحم !!!!!!!!!!!!!!!!!!!!!!!!!!!!!!!!!!!!؟ والله يستر عالجمييع لوووول

    تحياتي

  11. DUBAI كتب:

    سلوم

    عاقل مستوي؟

    شو السالفة !

    أقصد مطوع .. الله يثبتك بس

    لووول

    أنا وياك .. أحس هاي السوالف ريحتها حتى ريحة حرام !

    ابعد عن الشر و غنيلو

    و الحمدلله طلعت غبية في هاي السوالف !

  12. سالم الامــارات كتب:

    DUBAI

    تسلمين دبي والواحد يخاف من الحرام ومال الحرام لانه بيظهر مب فينا ،،، في عيالنا واهلنا

    تحياتي دبي

  13. والله والنعم بهالتكفير

    اذا الكل صار يفكر شراتك ويتصرف ع هالاساس جان حال الدنيا بيتعدل…

    بس فعلا الناس صارت ما تهتم بالحلال والحرام ( الا من رحم ربي)

  14. سالم الامــارات كتب:

    ابنة الاسلام

    تسلميلي اختي ومنكم نستفيد لول

  15. الهادئه كتب:

    مرحبا اخوي سالم في ثالث موضوع اقراه في مدونتك,,,الموضوع الي تكلمت عنه موضوع خطير ويشمل دول الخليج كلها مو بس الامارات,,,للاسف الناس تبحث عن الكم وليس الكيف,,,يهمه تكون عنده فلوس وبس ومو لازم عنده هل هي حلال او حرام,,,وحتى مايفكر اذا فيه ربح او خساره كل الي يهمه انه يجني المال وبس وما يصحى لنفسه لين تطيح الفاس في الراس,,وبعدين بعد الناس عن الدين وكثرة الملهيات اوقعتهم بالمحظور عافانا الله,,

    اخوي سالم ارجو اني ماكون طولت عليك مع اني احس اني طولت شويه بس(:

    كنت حابه ان كل موضوع اقراه اعلق عليه,,
    بس احس اني مصختها بكثرة تعليقاتي(:

    اخي العزيز الله يعينك علي (: وربي يعطيك الصحه والعافيه,,وينفع فيك وبكلامك

    تقبل مروري وتحياتي

  16. مساء الخير,,

    صدقت بكل كلمه قلتها

    بس مانقول غير

    اللهم اكفني بحلالك عن حرامك واغنني بفضلك عمن سواك

    والله يعين 🙂

    تحيتي

  17. سالم الامــارات كتب:

    الهادئة

    غرضي كان من طرح هل موضوع ان اذا في البعض منا مب ملاحظ هل شي او مستصغر السالفة فلازم يشوفها ويعطيها حجمها الكامل والصحيح ويعرف الغلط من الصح

    لان للاسف الوازع الديني وضعف الدين عندنا استوى متزايد وهني هي المشكله

    وسبق وقتلج مرورج مثل النسمه علينا …لااتحاتين لول

    تحياتي

  18. سالم الامــارات كتب:

    بنت الشيوخ

    مابقول غير ان كلامج كلام شيوخ لول

    تحياتي