رحلة أستراليا

Posted: 3 سبتمبر 2008 in الحياة حلوة
الوسوم:

خلال الصيف الحالي تمكنت بفضل ربي من السفر الى استراليا وسنغافورة، طبعا السفرة ما كانت سياحية 100% كان لي عمل خاص ايضا كان علي القيام به هناك ولو اني لم اقم به بالشكل المطلوب؟؟ وصراحة مانلام عليه نظرا للمتعة التي لم اتوقعها صراحة في هذا البلد الرهيب

يعني بالمختصر بالنسبة للدول الي زرتها والمتعه الموجودة والراحة والجو ماقول غير لا سويسرا ولا النمسا ولا باريس ولا ايطاليا ولا المانيا ولا كندا ولا لندن؟؟ استراليا وبس والباقي ياكل خس لووول

الجو ماشالله برد عكس اوروبا والمطر ايضا، وماشالله الاكل الحلال متوفر بشكل كثير وخصوصا في الجولد كوست، الشعب الاسترالي جدا طيب بشكل ماتوقعته وكونتلي صداقات وعلاقات طيبة ايضا وان شالله بكتبلكم سوالف استراليا في تدوينه اخرى

لكن الان اود ان اعرض عليكم بعضا من الصور التي قمت بالتقاطها على امل ان تعجبكم واتحمسكم انكم اتزوروها

الكنغارو ماخذين قيلولة وراحة في وقت الظهيرة

مهرة تلعب وتلمس المنغر

عواش ومهرة مع طفل الكنغر

هذا منظر بسيط من عالم الفواكه (Fruit World) حيث توجد به عدة انواع من الفواكه المختلفة ورحلات فالقوارب وطيور نعام ايضا

عواش ومهرة يقومون بكسر البندق من الشجر

الكوالا النائمة هاي الصورة مب في حديقو الحيوان ولكن فالغابة في مسكنهم الاصلي

الدب القطبي الجنوبي

رقصة الشخصيات الكرتونية لول

scoopi Dooooo (movie world

عواش و تويتي لول movie world

شخصيات افتح يا سمسم sea world

مدخل مدينة الالعاب movie world

هذه الصورة في سنغافورة الفهد وهو يلعب مع الاطفال

الجبل الثلجي في مدينة ملبورن ويبعد مسافة 4 ساعات من المدينة ومكان ولا اروع

الرجل الثلجي صناعة وطنية اماراتية 100% لووول

سالم الامارات في اقصى جنوب استراليا وسط اعشاش طائر البطريق وبانتظار خروجهم من المحيط لحظة الغروب لول

الاستعداد لرحلة ومغامرة الجيتسكي لول

 

ارجو ان تكون نالت الصور على رضاكم مع ان الصور ليست فنية وجدا عادية لاني لا املك كاميرا نيكون او غيرها من هذه الكاميرات من التي تجعل السبالة ،،، غزالة لوووول

تحياتي وانتظرو الجديد ان شالله

 

Advertisements
تعليقات
  1. 3washy99 كتب:

    مرحباااا اخوي ..

    وااو وااو وااو واااو (( مستويه أم سلوم خخخخ ))

    ياااي كشخة والله ..حبيت الصور احس انكم وايد استانستوا و عسى دووووم يا رب ..

    فديت عواش و مهاري ^_^ ..

    بس فيه شي ماعيبني هههههههههههه هالجاكيت والله فخاطري احرقه ..

    بالتوفيق اخويه .. و بانتظار تفاصيل رحلتك و المواقف الحلوة في هالرحلة ^_^

    وداعة الرحمن..

  2. سالم الامــارات كتب:

    عواشي

    انتي شو مشكلتج ويا جاكيتاتي بالضبط؟؟؟؟؟ لول
    صح اعترف انا بروحي ماكنت مقتنع فيهم بس شساوي شريتهم عالسريع لول

    وتسلمي عالاطراء اختي الكريمة
    والسوالف وايد حلوة وبحط فيديو بعد ان شالله لول

    وتسلمي ع مشاركتج ومرحبا بج مجددا في عالم التدوين والمدونييين ,,,,

    تحياتي

  3. ميّ كتب:

    الحمدلله على السلامة ل:

    – رجوعك من السفر

    – رجوعك لعالم التدوين

    و الله يخليلك بناتك اسم الله عليهم يهبلون : ))

    شكلها خوووش سفرة ! ما شالله : )

    سنغافورة شلونها؟

    زرتها مرة وحدة .. نظيــــــــــــــــــــــــــــــــــــــــــــــــــــــــفه @@
    يبختهم !

  4. مهرة كتب:

    الســـلام عليكم ورحمة الله وبركاته

    ما شاء الله بلاد حلوة وأن شاء الله كانت سياحه مريحة للكل..،،

    وربي يخلي لك مهرة وعواش وامهم يارب العالمين

    وان شاء الله دوم هـ سفرة ويا الأهل

    وفقكم الله وسدد خطاكم

  5. anaarwa كتب:

    🙂 الحمدلله ع السلامة… ورمضان كريم

    صور لطيفه ..الله يحفظ البنات 🙂

  6. سالم الامــارات كتب:

    مي

    الله يسلمج ويحفظج وتسلمين ع مرورج لمدونتي

    سنغافورة حلوة وماتغيرت وايد عن زمان المميز فيها هو المولات والمراكز التجارية المنتشرة بشك كبير طبعا

    والجو طول السنه نفس الشي مايتغير وتعتبر شوارعها انظف شوارع فالعالم طبعا مو من شي ،،، من العقوبات والمخالفات العالية الي فيها
    العيب الي فيهم هو ان الماي الي ينشرب ويستخدمونه هو ماي المجاري؟؟؟؟ يعني يعالجونه وينظفونه ويردو يستخدمونه؟؟؟؟؟؟؟؟؟؟؟؟

    تحياتي مي

  7. سالم الامــارات كتب:

    مهرة

    هلا مهره شخبارج

    مريت عمدونتج ماشالله عليها قمة في الروعه ، حاولت اشارك فيها بس مارمت ماعرفت كيف، مواضيعج جدا طيبة واكثر مما توقعت ،،،، عيتني قصة الغني الي توفى فالقارب ويا عياله

    تسلمي مهره واتمنى تواجدج المستمر ان شالله

    تحياتي

  8. سالم الامــارات كتب:

    اروى

    يوم تسمين نفسج انا اروى اتذكر كرتون انا لبنا السريعه ؟؟ لول
    تسلمي اروى وربي يدومج صحج الطيبة

    تحياتي

  9. ShLaLaT كتب:

    يا حيالله اهل الامارات

    انا زرت استراليا وسنغافوره من قبل

    عجبتني استراليا وايد
    كل شي فيها حلوو
    خاصه التمشي على البحر في قولد كوست

    والجو عجيب مشاء الله

    الله يهنيكم
    ويحفظ بنياتكم

    🙂

  10. wara8mu5a6a6 كتب:

    خوش ديرة استراليا
    و اللحين بعد يمدحونها حق دراسة
    اهيا و بنت عمها نيوزلندا

  11. Sn3a كتب:

    وي اخوي انا كنت هناك
    هذي كانت ثاني زياره لي
    وبعد اول زياره قلت ماكو على استراليا
    بس انا رحت ماليزيا مارحت سنغافورة

    ماشاءالله عليكم يالاماراتيين حسيت نفسي ببوظبي مو جولد كوست ربي يحفظكم

    خوش صور يعطيك العافيه

  12. سالم الامــارات كتب:

    شلالات

    الله يحييج اختي، التمشي ع شاطئ الجولد كوست روعه خصوصا قبل الغروب
    ولعب البولنج حلو بعد

    الله يجفظج لاهلج شلالات وتسلمي ع مرورج

  13. السلام عليكم
    الصراحه انا اول مره أ,ووووووووووووووووووووووووول مره ادخل مدونه احس انها مدونتي
    الصور رهيبه وايد وبناتك ماشالله عسل الله يحفظهم لك ، واتمنى اقرالك مواضيع اخره .

  14. سالم الامــارات كتب:

    ورق مخطط

    الدراسة صح وايدين يدرسون فيها حتى انهم يعطون تسهيلات للطلبة والحكونه تتكفل بمصاريف دراسة الطلاب الاجانب
    حتى انه اصبح اعتمادهم على الطلبة المهاجرين كثاني اعلى مصدر للدخل بعد السياحة

    وتسلمي ع مرورج وان شالله انتم انجوف مخطوطاتج عندنا هني لول

  15. سالم الامــارات كتب:

    سنعه

    صدقتي اختي ماشالله علينا اهل الامارات تارسينها نرس …شراتكم اهل الكويت تارسين مونترو في سويسرا ولندن في الصيف لووووول كلا منا له مكانه لول

    ماليزيا حلوة بعد ليتني لو كنت سرتلها عسب ازور ربيعي فيها لول

    تحياتي اختي وان شالله كانت سفرتج سنعه لول

  16. بـــو ســـالــــم كتب:

    مرحبا سالم حمدلله على سلامة الوصول شكلك استانست وايد تستاهل بعد التعب سنه كامله الواحد لازم يريح ومبروك على الموقع اليديد

    والى الامام

    بوسالم

  17. سالم الامــارات كتب:

    حلوووووووة البنات

    تسلمي اختي ع احساسج وشعورج الطيب باتجاه المدونة ولي كل الشرف بزيارتج لمدونتي

    وان شالله راح اكتب مواضيع يديدة جرييب ان شالله

  18. سالم الامــارات كتب:

    بوسالم

    تسلم ياخوي الغالي والله يبارك فيك وصراحة النظام هني احسن من بلوق بوايد واهم شي ان محد ردودة تنمسح عقب مايتعب ويكتبها

  19. DUBAI كتب:

    خخخخخخ

    الصور حلوة .. و الطبيعة تجنن

    و الله يحفظ الصغارية لكم ..

    و حمدلله على سلامتكم

    !!

  20. سالم الامــارات كتب:

    DUBAI

    هلا دبي شحالج
    حمدالله عالسلامة من سفرت المانيا دبي نورتي الامارات

    دبي ابيج تساعديني اعدل في مدونتي اخليها شراتج صراحه مب عارف لووووول

    تسلمي دبي واستانست ع ييتج والله

  21. أميره كتب:

    انها زيارتي الاولى .. وليست بالأخيرة أخي سالم الامارات ..

    مدونة راقية .

    امتعتني الصور التي ادرجتها .. كثيرا .

    شكرا لزيارتك مدونتي .. وإلى هنا لي عودة .

  22. سالم الامــارات كتب:

    تسلميلي يا اميرة

    وانتي فعلا اميرة بمتاباتك واخلاقك وملامك الطيب

    وشرفني مرورك هنا

    تحياتي

  23. ^_^ كتب:

    مساااء الخير …

    ولكم بااااك ..وحمدالله على السلامة
    ما شاء الله من الصور مبين ان الرحلة كانت حلوة وعواش ومهاري استانسوا (الله يحفظهم).

    ومبرووك على افتتاح المدونة بلوك يديد..

  24. سالم الامــارات كتب:

    ^_^

    الله يسلمج ويعافيج ونورتي المدونه

    ودامج هني احب اسلم عالوالده واشكرها عالهريس اللذيذ صراحه مع ان اول يوم ما ضبطته بس المرة الثانية كان رهيب

    وطبعا حرارتنا عندكم وانتو عارفين ان ما لازم اتردوها فاضيه وعارفين بعد شو لازم يكون فيها ؟؟؟؟ هريس طبعا لووووول
    وطبعا وصلكم نوعية الحلوى الي ابيها فالعيد ولا تبوني اكتبها هني؟؟؟

    وبعدين لين متى بتم الوالده تطبخ انتو متى بتتعلمون؟؟ شو فايدتكم في المجتمع؟؟؟ لول
    وتحياتي للوالدة العزيزة وجميع الاخوان

  25. DUBAI كتب:

    أفا عليك : )

    أغيره لك !

  26. سالم الامــارات كتب:

    DUBAI

    تسلميلي دبي ماتقصرين ادريبج راعية واجب

  27. ^_^ كتب:

    أول شي وصل السلااام…

    وثاني شي دام يبت طاري المجتمع… كيف يعني شو فايدتنا بالمجتمع اذا ما نعرف نطبخ؟؟ شو هالمعادلة!! ما يخصه أصلا نص الناجحات اللي بالمجتمع ما يعرفون يطبخون! اسئل و شوف رأي المدام؟

    وان شاء الله الحلوى بتوصلكم بالعيد..انتوا بس جهزوا العيدية..

  28. سالم الامــارات كتب:

    ^_^

    يعني الحريم الناجحات مايعرفون يطبخوون؟؟؟
    وهاي اي نظرية بالسلامه ؟؟؟ اديسون ولا نيوتن؟؟؟ ههههه اسميييج دمرتي النظريات كلها

    تحياتي

  29. حلوين الكنغاروز .. ما يستوي اربي واحد في البيت ويا القطو اللي عندي؟؟

  30. سالم الامــارات كتب:

    Single & Fabulus

    تربين واحد !!!!؟

    والله شوفي الكنغارو فيله شبه بين العنزه والفار !!!!؟ يعني لو تربطيلج عنزه …واتربيلج فار ويا القطاوة عبارة يبتي كنغارو لووول

    ماشالله بتسوين قارة استراليا كلها عندج لووووووووووووووووووووووول

    شكله بيتكم محمية احياء فطرية !! لول