تجربتي في فندق Raffles Dubai

Posted: 9 نوفمبر 2008 in الحياة حلوة
الوسوم:,

Raffles Dubai

خلال الاسبوع الماضي قمت برحلة استجمام تغيير جو الى مدينة دبي، في العادة انا ازور دبي كل اسبوعين تقريبا بس هل طلعه كانت للخروج من بعض الضغوطات الي تعرضت لها، خصصا اذا ماعرفنا اذا ضغطي وصل لارقام فلكية في العلالي !! فكان لازم اطلع اغير جو وابعد ليوم واحد عن اي ضغوطات حتى ولو كان ليوم واحد، المهم انا مابقولكم شو سويت ولا شو ماسويت، بس حبيت اعرض لكم بعض الصور الي التقطتها لهل فندق الي شكله من الخارج نفس الاهرامات، واقولكم ان هل فندق يعتبر واحد من ارقى الفنادق في دبي ، انا ماتكلم من ناحية المطاعم ولا الغرف وبس ، لا اكيد في اماكن ارقى منه بس انا ارمس عن مستوى الخدمة وتعامل واهتمام الموظفينو ياك ،،،،صراحه يحسسونك انك ملك وباهميتك ،،، كل حد يمشي من جدامك ووراك !

انا جربت معظم فنادق الامارات تقريبا ما بقى مكان ماسرتله بس التعامل الي شفته في هل فندق مب موجود لا في قصر الامارات ولا حتى في رويال ميراج !!!؟ جد التعامل والاهتمام اول مره اشوفه في فندق في الامارات بهل طريقة، وغرفه كلها سويتات ماشي ستاندرد ولا ديلوكس !!!؟

نصيحتي اذا تبي اتحس بالاهتمام وانك ملك سير هل فندق، موقعه حلو جنب وافي سنتر صح ان المركز مب هاك الزود حتى مافيه سينما بس هادي زين حق الريلاكس، واخر نصيحه لاتسووون المساج عندهم !!! لان صج كسرني التايلندي الله يخس شيطانه غرفتهم مب شي وايد ،،، اقولكم عسب ماتقلون ان الفندق مافيه عيوب بس مثل ماقلت كاهتمام وااااايد اوووكي،،،،

 

هذا اللوبي في الفندق واايد واسع وشي مساحه ومطعم من جهة اليسار، وبعد مدخل للمول من اليمين

منظر اللوبي من الطابق الخاص بالمساج والسبا

الاستقبال

 

احد تماثيل ابو الهول المنشرة في ارجاء الفندق والتي تعطيه الطابع الفرعوني الجميل

(الفندق بشكل عام طرازه فرعوني)

 

كنت بانتظار تجهيز الجناح وطبعا يابولي عصير فريش مجانا كنوع من الاعتذار على التاخير !!! شفتو كيف الاهتمام لمشاعرك

 

الجناح الخاص بي ولكن للاسف الاضاءة لم تكن بالشكل المطلوب والتصوير تراه من التلفون مب كاميرا

 

المميز عندهم هو عند الحجز اتصلهم وقولهم ان عندك اي مناسبة، يعني قص عليهم قولهم عيد ميلاد ولا عيد زواج ولا اي شي ، بتحصلهم حاطيك هل شوكوليت كيك كهدية من طرفهم لهل مناسبة لحظة دخولك الغرفة وبالمجااان من دون ما تدفع شي !!! حلو صح

 

منظر سقف المول من الجناح

مدخل السبا

هاي الغرفة الي سويت فيها سبا، سوالي المساج واحد تايلندي وليييته لو ما كان سوالي، كسرني حطمني مابقا الا يعظني !!!! يعني انا مب فاهم شوفيها اذا حرمة سوت مساج !!! شو المشكله يعني !!! صج قهر لوووووووووووووووول (ادري ادري ان مايجوز ومن هل كلام بس يالس اتحرطم لول)

تبون مساج حلو سيرو مدينة جميرا في دبي فندق ميتاء السلام او قصر الامارات في بوظبي، لا يعلا عليهم في البلاد كلهم وعلى مسؤوليتي لول

 

هذا الشاي الخاص بعد الانتهاء من المساج وتختار نوع النكهة الي تختارها من الشاي (المثلثاات الي عالصحن) 

 طبعا هذا انا كنت مخلص السبا العذاب وااخر مرة اخلي ريال يسويلي مساج

هاي وجبة لوبستر جامبو تايلندي بالنكهات الاربعه ،،، يوم شفت اللوبستر حسبتها فخذ خروف !!! ماشالله لذيذ وعندهم شوربة حلوة بعد ، اسم المطعم ICE & FIRE ترومون تحجزن فيه بعد مب شرط تكونون مقيمين في الفندق

طبعا هل مطعم اول مرة اسيرله وماعرف شو وجباتهم، اول ما يلست يتني النادلة وقالتلي نحن ااسفين اليوم القائمة الارجنتينية غير متوفرة ،،، وانا ماعرف اصلا شو الاكل الارجنتيني ولا شوفيها بالاساس !!! جان اقولها لااا مستحيييل !! اصلا انا ياي عسب الاكلات الارجنتينية !! صج قهر !! لووووووووووول وحليلها تمت تتاسف ، جان اقولها خلاص سامحتج !! لوووول

الطباخين وهم يطبخون الوجبات ،،، يربوه بيعجبكم المطعم

اتمنى ان الصور عيبتكم بس حبيت اشارككم اياها ويمكن تفيد الي يحبون يباتون في فنادق يهتمون فيها بالزوار عكس باقي الفنادق

تحياتي

About these ads
تعليقات
  1. الهادئه قال:

    يعطيك الصحه والعافيه اخوي سالم,,,وانشالله انك استانست بهالرحله (:

    ماشالله عليك ماقصرت كلامك عن الفندق صراحه مغري,,شكلي بكرا بقطع لي تذكره لدبي (:

    بس بالنسبه لي فندق القصر الي بجميرا من اروع الفنادق الي رحت لها,,,كانوا حاطين عود بالغرف,,,حاولنا نتعلم العزف بس ماعرفنا واصلا مدري ليش حاطينه (:
    تحياتي اخوي سالم وعسى حياتك كلها فرح وسعاده

  2. M.K قال:

    الحمدلله على السلامه…
    (زين إنك بس تتحرطم ما عندنا ريايل يسولهم مساج حريم)
    …….
    حلوه الخدمه إلي في الفندق وإهتمامهم …
    يمكن إنجربه يوما ما…
    ……..
    كل رحلة إستجمام وإنت بخير..

  3. موني قال:

    ياااااااااااااااااااااااااااااي نايس

    ابي اسير ابي اسير

    ودينا رحله هع هع هع

    صراحه المكاان طر بخبر علييه اهلي عل وعسى يشقفون بحاالي ويودووني هنااكي

    مثكوور عالصور اخوي ساالم

    تسلم ايدييك << طلعت تعرف تصور بعد *_- فنااااان

    يلللا بشل عمري عن اسبب حشرة بالبقعه

    باااعووووووووو

  4. موني قال:

    على فكرة الله يسامحك يوعتني عالصبح بروحي احاول اتناسى اليووووع ويالسه اشغل روحي بسوالف ويا كلاسي ومن جفت الاكل اخ يا قلبي بمووووت
    لوووووول

    على حساابك الغدا اليوم اوقيق

    يللا الحين جد

    باعووووووووووووووووو

  5. سالم الامــارات قال:

    الهادئة

    هلا اختي مها ..هي والله استانست بس الي حولي ماستانسو لان تلفوناتي ظلت مسكرة ومحد رام يوصلي …بس احسن حسيت اني مقطوع من الشجره …شعور حلو مؤقتا لول

    يا سلاااااااام ذكرتيني بالقصر في مدينة جميرا …. عشت فيه احلى ايام …واحيد اني تخبلت فيه خبال …خاصة المطعم الي في نص البحر للمكولات البحرية وبعد البوفيه مالهم سويت عزيمة هناكي …. وبعد مستوى الخدمة هناكي واااايد اوكي

    وطبعا ما انسى المساج الي هناك هو الي قلت عنه احلى مساااااج وسبا في الامارات من وجهة نظري …على نور الشموع غير الجاكوزي وحمام السباحة الخاصة فيك …يعني شي راقي لول
    احيد يوم سرنا هناكي كنت قايل حق اخواني هذا ااخر فندق بنسيرله في هل فترة لان بنبدا مرحلة تقشف وشد الحزام لان كان عندي التزامات مالية وبستقيل من دوامي السابق فكنا نبي نستمتع كثر مانروم …عساس بنباات يوم واحد بس …يوم نشيت ثاني يوم طالعتهم جان اقولهم هااااه شو رايكم !!؟ كلهم ايوا ايوا ايو لووووووووول وبتنا وثاني يوم اتسبحنا في المسبح مالهم …كان شي وااايد
    شكرا لانج ذكرتيني بشي حلو وفجرته هني لول

    سي يا

  6. سالم الامــارات قال:

    M.K

    ليش لا !! ابي افهم ليش لا !!! وانا هناك بنات مواااطنات ريال يقص شعورهم وكاان عادي عندهم …ليييييييييييش المساج لنا ممنوع …اااخ يالغصة !!!؟ صج قهر ….لول

    جربيه وقوليلي رايج عقب لول

    سي يا

  7. سالم الامــارات قال:

    موني

    اوديكم رحلة !!! شو فاااااتح حضاانه انا !!!؟ لول

    اوكي موافق الفطور علي …براته كيمه ولحم ناشف من مرطبات ابوعنتر !!!!؟ لول

    لا والله تصويري عادي وبعد من الفون ان شالله اذا خذت كاميرا عدلة بتشوفين الفن الصح لول

    تيك كير

  8. حلوووووووووووة البنات قال:

    السلاممممممممممممممممممممم
    شخبارك سالم الامارات واله العمارات؟؟؟؟ شكلك ماشالله راهي كل الفنادق التوب لفيتهم.
    الصراحه حلو الواحد يغير جو كل فتره ويطلع من ضغط العمل.
    الفندق وايييييييييييييييييييد روعه وشكلك من النوع الي يحب الاكل وايد كله تحط صور الاكل في مواضيعك ؟؟؟؟؟

  9. ( جان اقولها لااا مستحيييل !! اصلا انا ياي عسب الاكلات الارجنتينية )

    هههههه عليك حركات ..
    خرعت البنيه.. لوول

    ._._._._.

    المساج الظاهر التايلندي كان منقهر وطلع حرته فيك ههه

    ._._._._.

    أحلى مافي الموضوع أنك سويت أستجمام ..
    وسويت ريلاااكس .. هاللي يحتاجه الواحد ( حمستني أتهور )

    التصوير رائع نقلت لنا الوضع بحذافيره p:
    تسلم الايادي .. ومرسي مستر سالم ..

    وبإنتظار جديدك ^.^

  10. وأأأأأأأأأأأأأأو بصرااحه فله وناأأأأأأأأاسه << حشى رايحه منتزه والاملاهي هع هع ,,
    سالم طيب كان قلتلي اروح انا والغوالي والحساب عليك هع
    يالاتستاهل والله كل خير وعقبال مااجبي انا والغوالي ,,
    تحياتي

  11. 3washy قال:

    السلام عليك اخويه سالم ..

    شو هالحركاااات يا سلااام ^_^

    شكل الفندق رهيب اول مرة اشوفه !!
    الصراحة حبيته صج روووعة وراقي .. و تصويرك حلاه اكثر و اكثر ^_^..

    حلو يوم الواحد يغير الروتين و يروح هالاماكن للاستجمام و البعد عن الضغوطات ^_^..

    احيي فيك هالروح اخويه سالم لان هالشي وااايد راح يفيدك .. ما شاء الله عليك..

    ربي يبعد عنك الهموم والضغوط ..

    (( هممم يبالي والله اروح هالفندق ..يبالي اقعد برووووحي و افكر و ابتعد عن كل حد )) لو سمحت اخويه ممكن تخبرني وين اللوكيشن بالضبط و بكون لك شاكره..

    تحيااااتي لك

  12. حركاااات << تحمســـت ^ـــ^ لوووول <<تمت سرقتها خخخخ

    الله يهنيك حلو الواحد يغير جو ويرجع بنفس جديده وبروح غير,,

    روعه شكله من الخارج ومن الداخل وان شاء الله استانست فيه
    عقبال تجربتي هع هع ,,

    شكريا *ـ*

  13. بنوتة الأهلي قال:

    السلام عليكم ورحمة الله وبركاته

    ؛

    ؛

    عيبني سقف المول وااااااااااااااااايد .. ولا سالفة انك تقص عليهم هاي مالت

    اليهالو اللي يحبون سوالف مني مناك هع هع واكيد انت واحد منهم وفيهم

    مع احترامي لك بس لا تزعل مني لأني أسولف وياك ^__^

    أممم اللوبستر بصراحة انا ما أتقبله مادري ليش >_<

    ؛

    ؛

    سوالفك ورحلتك حلوة بس غريبة التايلندي عندهم ما طلع أوريجينال شكله

    تقليد نفس بضاعتهم لووووووول .. ألف شكر لك سالم على عرضك للتجربة

    الحلوة .. جرب كل الفنادق اللي عندنا في الإمارات وان شاء الله راح تدخل

    موسوعه جينيس للأرقام القياسية ( قويـــة ) خالك كول ولا تحرمنا من يديدك

  14. مظلومه قال:

    هلااا والله أخووي سالم

    أشحاااالك .. ان شاء الله طيب

    ما أظن بعد هالمساج الحلوووو انك بخيـــــر لووووول

    شكله الفندق كيووت ما عليه كلام بعد اللى شافنه

    والتصوير ما شاء الله ترتوب واحلى شي صورة الكيك يمي يمي

    ان شاء الله استرخيت واستناست …

    تحيااااتي لك..

  15. سالم الامــارات قال:

    حلوووووووة البنات

    هلا اختي حلوة شخبارج ان شالله تمام …شنو عمارات وكسارات شو تبين تبدين قرض ! لول

    خبريني اختي منو الي مايحب الاكل وايد !!؟ لول كل حد يحب ….بعدين يوم اسير اسافر ولا اسير مطعم ما بكوون ااكل ولا احط اكل !!! اكييييد بحط وباااكل وبشراااهة بعد لول

    سي يا ام لسان

  16. سالم الامــارات قال:

    ود القلوب

    لا والله ماخرعتها بس تدرين لازم بكون اضحك …ماحب اتم ياالس وانا ماد بوووز !!؟ لول

    التايلندي مب سوالي ريلاكس …قتلج بس باقي يعظني !!! لووووول

    تسلميلي ود
    ودمتي بود ^_^

  17. سالم الامــارات قال:

    عبرات انثى

    سوري بس شو يعني غوالي !!!!!!!!!!!!!!!!!!!!!!!!!!!!!!!!!!!!!!؟
    هل هم العيال
    ولا الجيران
    ولا الفريج
    ولا الاهل
    ولا الاصدقاء !!!!!!! لوووووووووول

    ماعرفت معناها صراحه ……فهو حسب العدد الي بيجي ومنو هم ..عقب بحدد اذا اعزم ولا لا … لول

    تسلميلي عبراااااااااات ع مرورج الحلو

  18. سالم الامــارات قال:

    عواشي

    الفندق يديد عواش يا دوووبة ماكمل حتى سنه

    وموقعه مرة ملاصق في وافي سنتر …يعني ترومين تسيريله من وافي بس طبعا له مدخل خاص بروحه ….لا بيعيبج وايد ان شالله اذا سرتيله

    و عسالفة انج تقطعين عن الناس … حسب نفسيتج لووووووول بس ما انصحج فيها لان اذا خذتي هل طبع شوي شوي بتقطعين عن زايد ناس واشياء …فلاتسويها احسلج !

    تيك كير عوييييييش

  19. سالم الامــارات قال:

    بنت الشيوخ

    يالله بنتريا تجربتج بفااااااااااارغ الصبر يا شيييختنا لووووول

    شو صار موضوع البيت الشعبي مالي !! شيخة وماتطلعيلنا بيت ! …زين دكان عل اقل ! لووووول

    تيك كير

  20. سالم الامــارات قال:

    بنوتة الاهلي

    اول شي حمدالله عالسلامه ….ويييينج كل هل مدة اختفيتي !!!! عسى المانع خير بس …ربي يسهل عليج

    وبعديييين يا اهلاوية …هذا يسمووونه روح الدعااااابة مب حركاات يهااالووووو لوووووول موووووووووول مايخصه ^_ّّّ&

    انا بعد زمان ما كنت احب اللوبستر بس مرة يربت لوبستر ثيرميدور …من عقبها استويت احبه لول

    لا وحياااتج اخاف اللوبستر مسوي ابرة نفخ !! ولا بوتيكس !! هههههههههه

    تسلميلي اهلاوية ولا تقطعينا عقب قولي لا تحرمنا من يديدك لول

  21. سالم الامــارات قال:

    مظلومه

    حبيت كلمة ترتوب …ذكرتيني بشخص كان عزيز ع قلبي

    الكيك لذييييييييييييييييييييييييييييييييذ شوكوليت شيز كيك …انا ماحب الشيز كيك العادة بس هذا حبيته والله ….

    تسلميلي مظلومة وربي يفرج عليج الظلم الي انتي فيه لوووووووووووووول

    تحياتي اختي ^_^

  22. اقصوصه قال:

    ههههههههههههههه

    والله انك حفله

    والا ياي عشان الاطباق الارجنتينيه ها؟

    أقول وين موقع الارجنتين ع الخريطه!

    خخخخخخخخخخخخخ

    شكله حلو الفندق :)

    وهالمساج ينفع..يوم تكون كاره حد

    انصحه يسير يسوي مساج هناك!

    لوووووووووووووول

    وايد حلوه الصور

    وبانتظار تدوينتك اليديده :)

  23. سالم الامــارات قال:

    اقصوصه

    انا حفلة !!! زين برقص ولا من غير ! لووووووووول

    موقع الارجنتين ممممممممممم عدال بيتنا ! صح لول
    هيه صح كلامج يوم اكره واحد بخليه يسييير هناك ….شو رايج اتسييريله عيال لوووووووول

    انا ان شالله بكتب موضوع بس اتريا الحس الكتابي ينزلي لووول انتي الي بنجرتي وماقمتي تكتبين شي …. لووول

    سي يا

  24. افا عليك شيخنا ولو تستاهل كل خير ,,,البيت بالطريـق ,,, بس انت شيك ع الايميل يوميا يمكن يوصل هع هع

  25. الله خوووش فندق وخوووش تغطيه ااااقصد صور :P

    انا بس انقهر هنا >< يازيني ساكته بس خخخ
    اهم شي النادله لوووول

  26. سالم الامــارات قال:

    بنت الشيوخ

    ههههههههههههههه ماقصرتي صرااحه شيختنا وربي يطول في عمرج ان شالله …وانصحج لا تتقبلين طلبات المدونين لانهم طماعين بس انا لا لوووول

    سي يا

  27. سالم الامــارات قال:

    الوان رمادية

    خوش تغطية !! شو بطانية ولا لحاااف !!! لووووول

    ليش انقهرتي مافهمت السبب !!!
    لا النادلة فنانة بس حسافه ما بخششتها اااخر شي لول

    تيك كير يا ملونه لول

  28. اول رنيت لك رنة و اليوم شفت اتصالك كلمتني مرتين شفت اتصاط شلي جرالك صحيتني من النوم

    اسف بس اليوم منطرب يا بو عطر ذباااح

    اهم شي غيرت جو و استانست يا حلو

    تحياتي لك

  29. سالم الامــارات قال:

    شفت اتصالك

    انت شو مشكلتك ويا الرنة والاتصالات بالضبط !!!!!!!!!!!!؟ لوووول

    وان شالله دومك اتكون منطرب مب متطرب لووووووول

    وشي ثاني شو سالفتك ويا عطري !! قمت اشك فيك ياخي !! بليز بي اواي فروم مي لوووول

    ربي يحفظك

  30. بـــو ســـالــــم قال:

    والله زين يا سالم يا اخوي عمرك ما قتلي بودي اخوي الفقير معاي ولا عرفت عن هذا المكان وانا الفقير كله قاص على عمري في الرمله والله الدنيا حلوه لووووووووووول

  31. سالم الامــارات قال:

    بوسالم

    يعني ماخذيلك تلفون يديد الاسبوع الي طاف وبعد مش عااجبيييينك !!! حرمت عييييشة ام مهره وعقدتها وماخليت حد مافضحتها جدامه ع سالفة التلفون ،،،وبعد ماحصلت مبتغااااك حولت علي !!!! انت تبي تسرقنا بايدك ورجولك !!! لوووووووووووووووووووول

    وبعدين انت نسيت يوم تعشنينا في شيليز شو سويت !!! هذا شيليز اتصور في هل فندق شو بتسوي !!!!! عالعموم الجمعه اذا الله سهل وسرنا بتنا في المبزرة بشوفك شو بتسوي واذا نجحت في الاختبار فالك الطيب انت وام سالم بس بشرط تخلي سلوووم عندنا لوووووووووووووول

    وبعدين مافي احلى من الرملة ياخوي خصوصا يوم تسير فوق العرقوب وتتجلب !!! لول

    تحيتي

  32. ام مهره قال:

    حراااااااااااام عليك يا احمد
    ما كفاك الموبايل اللي كانت غلطة عمري يوم وعدتك فيه وطلعت روحي ما يكفيك لا واللي يرفع الضغط يوم طرشت مسج اتقول انك بعته وتبيني اشتري لك كميونيكيتر؟؟؟؟ انت ما تشبع خلالالالالالالالالالالالالالالاص بسك الطمع يقل ما جمع وخلك قنوع لول وعلى فكرة تراني اتريا هديتي؟؟؟؟

  33. lil.D84 قال:

    شكراً سالم الإمارات على الموضوع ..
    وايد أحب المواضيع اللي تخص السفر والفنادق والـReviews عليها ..
    مممم شكل الفندق حلو ..
    وحبيت انهم يرتبون لك على حسب المناسبة ..

    ^___^ نعيماً ..

  34. سالم الامــارات قال:

    lilD.84

    تسلميلي ليل وماقصرتي بس اهم شي انج ماتحبين المطاعم في الفنادق لاننا اتفقنا عالرجيم ….كم الوزن الحين !!؟ لول